Actualitats
Lo podcast País Invisible a ganhat lo prèmi joventut de l’Euroregion
D’autres laureats son Eth Club Aranés, Parpalhon Blau, Mariona Miret, Influaran e Las aventuras de Man e Mi
Tèxte legit
Ièr divendres 10 de febrièr, l’Euroregion Pirenèus-Mediterranèa autregèt a Tolosa los prèmis del concors joventut per de projèctes suls rets socials que promòvon las lengas catalana e occitana dins son espaci territorial. Los guierdons se remetèron en preséncia de la presidenta de la region dicha Occitània, Carole Delga, del president de la Generalitat de Catalonha, Pere Aragonés, e de la presidenta de la comunautat autonòma de las illas Balearas, Francina Armengol. L’eveniment se tenguèt dins l’encastre de l’amassada generala extraordinària de passacion de presidéncia de l’Euroregion, e foguèt precedit per de conferéncias e l’amassada de joves.
Los laureats dels projèctes suls rets socials per promòure l’occitan son:
Categoria individús:
País Invisible
País invisible es un produch audiovisual de l’ADÒC, l’associacion que realiza Jornalet. S’agís d’un podcast en catalan que sa tòca es de far conéisser Occitània, l’occitan e l’occitanitat al public catalan d’un biais simple, agradiu e convivial. Al total i aurà 18 episòdis d’aperaquí mièja orada cadun ont cada setmana se descobrís una vila occitana, son encontrada, las tradicions e l'istòria del parçan. A mai se presenta dins cada emission, en primièra, una cançon del nòu disc d’Ò.C. Brigada Internacional.
La còla de l’ADÒC anèrem a Tolosa per recebre lo prèmi e festegèrem lo guierdon a La Topina.
Los laureats dels projèctes suls rets socials per promòure l’occitan son:
Categoria associacions:
Categoria collectius:
Categoria individús:
País Invisible
País invisible es un produch audiovisual de l’ADÒC, l’associacion que realiza Jornalet. S’agís d’un podcast en catalan que sa tòca es de far conéisser Occitània, l’occitan e l’occitanitat al public catalan d’un biais simple, agradiu e convivial. Al total i aurà 18 episòdis d’aperaquí mièja orada cadun ont cada setmana se descobrís una vila occitana, son encontrada, las tradicions e l'istòria del parçan. A mai se presenta dins cada emission, en primièra, una cançon del nòu disc d’Ò.C. Brigada Internacional.
La còla de l’ADÒC anèrem a Tolosa per recebre lo prèmi e festegèrem lo guierdon a La Topina.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mesfiatz-vos de tots aqueus politics que se fan pus occitanistes que los occitanistes. Cercham nonmas un electorat. La vertardiera cultura occitana es catara; la vertardiera religion es catara. l'istòria oficiala a, dau catarisme, retengut dos mots : eresia e manicheisme.
L'occitanisme en a retengut " bons òmes e conquesta (laica o religiosa)". Bayrou que se volia defensor de la cultura occitana es condemnat per daus afars de corupcion. Los politics d'esquerra son pas mielhs per que sem dins una societat ente lo mestre es l'argent.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari