L’Union Nacionala Monegasca empòrta los 24 sètis del Conselh Nacional de Mónegue, çò qu’implica un cambiament radical del parlament del principat. Dempuèi 2018 l’Union aviá solament un deputat del temps que los autres sètis èran ocupats pels partits Primo! Prioritat Mónegue (21 deputats) e Orizont Mónegue (2 deputats).
 
La jornada electorala monegasca se tenguèt dimenge passat e foguèt marcada per un naut nombre de vòtes blancs e nuls e una abstencion creissenta de 13 ponches de mai qu’a la votacion de 2018.
 
Suls 7594 inscriches sus la lista electorala votèron 4248 ciutadans, dont 400 blanc o nul. Brigitte Boccone-Pagès, de l’Union Nacionala Monegasca, a obtengut 72 602 vòtes, çò es l’89,63% dels sufragis, e Daniel Boeri, de Nòvi Idèas per Mónegue, a emportat 8401 vòtes, çò es lo 10,37%.
 
E mai son partit aguèsse alara un deputat, en octòbre passat Brigitte Boccone-Pagès foguèt elegida a l’unanimitat presidenta del Conselh Nacional en seguida de la demission de Stéphane Valeri.


 

Election nationale à #Monaco@BocconePages : « Notre bilan est le meilleur que le @ConseilNatMC a proposé depuis 2010 » https://t.co/83aVfrxJ8m cc @lunionMC@BeatriceFresko@jlgrinda@B_Seydoux@aliprendi_de@FranckJULIEN@BergonziRegis@TBrezzo_mc@Math_LeClerc@PalmaroMikael

— RaphaëlBrun (@RaphBrun) February 3, 2023