Bandièra01 1180x150: Comuna de Tolosa

Actualitats

Internacional

Tèrratrems de magnitud 7,8 en Turquia, Siria e Curdistan: mai de 3600 mòrts e de desenas de milièrs de nafrats

Los epicentres èran a a Pazarcık e Ekinozu respectivament, dins lo sud de Turquia al costat de la frontièra siriana

Tèxte legit

Mai de 3600 personas mòrtas e de desenas de milièrs de nafradas es lo tragic bilanç de dos tèrratrems de magnitud 7,8 e de l’epicentre a Pazarcık e Ekinozu respectivament, dins lo sud de Turquia al costat de la frontièra siriana. A mai, i aguèt qualques replicas potentas, dont una de magnitud 6,7. Los tèrratrems, que tanben se sentiguèron en Chipre, Iraq e Liban, obliguèron quitament Itàlia d’activar una alèrta per possible tsunami en Mediterranèa.
 
Dins un primièr bilanç qu'a crescut puèi, las autoritats turcas raportavan diluns de matin 912 mòrts e mai de 5300 nafrats dins lor territòri, ont de desenas de bastissas son esfondradas. Lo govèrn turc a fach una crida a la comunautat internacionala per que li mande d’ajuda.
 
De l’autre latz de la frontièra, la catastròfa a tanben de consequéncias importantas. Las autoritats sirianas constatavan, tanben dins un primièr bilanç aumentat puèi, diluns de matin 326 mòrts e 1400 nafrats dins las governacions d’Alèp, Hama e Latakia. Es un airal amb de centenas de milièrs de desplaçats a causa de la guèrra en Siria.
 
Tant Turquia coma Siria an avertit que lo nombre de victimas es provisòri, e qu’aumenta del temps que se cèrca de desapareguts jols tarcums dels ostals escrancats.


 
 



abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Farda lorda
5.

Asya una suriyeli peltirada de terra pels IHH, 30 oras apèi lo terratremol (aviá sonque lo cap defòra)

https://www.youtube.com/watch?v=94g4cpbLSA0


THY ((Turk Hava Yollari) « los camins del cèl ») e Pegasus Airlines fan vòls de grat dempuèi l’airal del terratremol

  • 2
  • 0
Farda lorda
4.

Ayaz ile Ece son salvats

https://www.hurriyet.com.tr/video/ayazin-kurtarildigi-anlar-kamerada-42216379

Şevval es escap

https://www.hurriyet.com.tr/video/16-yasindaki-sevval-enkazdan-altindan-sag-kurtarildi-42216418

Un altre salvat

https://www.hurriyet.com.tr/video/alinin-ebrar-sitesi-enkazindan-mucize-kurtulusu-42216348

  • 1
  • 0
Greta Fan Club
3.

Probable que i-aurà mai quauqun per nos declarar sentenciosament que lo rescaufament climatic i-es encara per quicòm.

  • 14
  • 13
Farda lorda
2.

Şeyda Tuba Çalapverdi, presentairitz del jornal local entà Kaiseri qu’es 208 km a distencia d’ausel de Nurdağı (montanha de lutz) mojòl del terratrem, mentre sa presentacion, es quilhada e patís de damorar de pès, un pauc mai èra desestançada, contunha sa presentacion, ambe segur la paur dins la votz, agacha sa montra son 13h25 es la 2n secotida (7,6)

« En büyük bizim Şeyda » (es la milhona nòstra Şeyda)


https://www.hurriyet.com.tr/gundem/depreme-kayseride-canli-yayinda-yakalandi-spikerin-zor-anlari-kamerada-42215906



Mainatges sebelits eissits de josterra "los imatges que brutlan lo còr " (yürek yakan görüntüler)

https://www.hurriyet.com.tr/gundem/son-dakika-kahramanmaras-merkezli-7-7-ve-7-6-buyuklugunde-2-deprem-tum-bolgelerden-dakika-dakika-son-haberler-42215545

  • 5
  • 3
Farda lorda
1.

Şeyda Tuba Çalapverdi, presentairitz del jornal local entà Kaiseri qu’es 208 km a distencia d’ausel de Nurdağı (montanha de lutz) mojòl del terratrem, mentre sa presentacion, es quilhada e patís de damorar de pès, un pauc mai èra desestançada, contunha sa presentacion, ambe segur la paur dins la votz, agacha sa montra son 13h25 es la 2n secotida (7,6)

« En büyük bizim Şeyda » (es la milhona nòstra Şeyda)


https://www.hurriyet.com.tr/gundem/depreme-kayseride-canli-yayinda-yakalandi-spikerin-zor-anlari-kamerada-42215906



Mainatges sebelits eissits de josterra

https://www.hurriyet.com.tr/gundem/son-dakika-kahramanmaras-merkezli-7-7-ve-7-6-buyuklugunde-2-deprem-tum-bolgelerden-dakika-dakika-son-haberler-42215545

  • 6
  • 3

Escriu un comentari sus aqueste article