Bandièra01 1180x150: Comuna de Tolosa

Actualitats

Estagi dels futurs regents de Calandreta en Bigòrra

Una còla de 9 estagiaris del CFPO an participat a la Setmana Bigordana organizada per Paulina Kamakine

Del 6 al 10 de febièr a l’Abatut (Ribèra Baisha), una còla de 9 estagiaris del Centre de Formacion Professional Occitan (CFPO) participèron a la Setmana Bigordana, un eveniment organizat per la poetessa Paulina Kamakine amb la tòca de permetre a aqueles futurs regents de Calandreta de conéisser la toponimia del parçan, de s’immergir dins lo gascon e l’univèrs poetic de l’escrivana e del parçan, e de transmetre lor experiéncia dins los camps de l’escritura poetica, de la realizacion cinematografica, de la literatura, de la musica, de las cançons, de las danças, dels instruments tradicionals... Publicam en seguida lo rapòrt del estagiaris.
 


Mercés a Paulina Kamakine e son organizacion, aguèrem lo plaser de poder rescontrar de mond e escambiar a l’entorn de:
 
— la toponimia amb la vesita de la comuna de l’Abatut amb lo cònsol màger, Sènher Maisonneuve, e una conferéncia de Fabrici Bernissan entitolada “Los luòcs parlan la lenga”,
 
— la poesia amb Paulina Kamakine e un talhièr d’escritura poetica,
 
— la descobèrta de l’art de l’escultura en gascon amb Genevièva Gallego e la presentacion de son trabalh,
 
— l’intervencion d’Eva Cassagnet que nos presentèt la creacion cinematografica e son trabalh d’autora,
 
— la sciéncia-ficcion en occitan amb Felip Biu,
 
— la presentacion de las edicions Nosauts de Bigòrra amb Francis Beigbeder,
 
— un testimoniatge del trabalh de regent amb Emilia Roemer e Aurèlia Lacaze,
 
— la descobèrta dels cants polifonics e d’instruments tradicionals pels grops Esteletas e Nat Sèi Pas dins la glèisa,
 
— lo testimoniatge d’Emiliana Lavigne e la lectura d’una partida de son òbra,
 
— la presentacion del trabalh de poetessa e escrivana de Tresiá Pambrun,
 
— l’intervencion de l’escrivan Joan-Loís Lavit.
 
Aguèrem l’astre de faire de recèrcas per metre en gascon los noms de las carrièras del vilatge de l’Abatut qu’o son pas encara.
 
Presentèrem nòstre trabalh a la serada bigordana del dijòus 9 de febrièr. A la dobertura de l’eveniment, la comuna de l’Abatut metèt en plaça la bandièra occitana. Aquela serada foguèt rica d’escambis e de lengas amb mai de setanta personas. 
 
 
 
 
La còla dels estagiaris FFRC 2022-2023 al CFPO-RO
 
 
 
 
 
 
fffff fffff
 Declaracion d’Independéncia Poetica de La Ribèra Baisha
 
Paulina Kamakine, mairia de còr de la promocion 2023 d’aqueths 9 futurs ensenhaires occitans qu’a plaçat aquera semana devath l’egida de la poesia e de la cultura gascona. Ua semana plea d’emocions e de descobèrtas entaus nostes estagiaris installats a L’Abatut qui an miat un tribalh de recèrca toponimica entà hèr víver e animar au vilatge la lenga occitana. En aunor a las loas presénças, la Comuna qu’a hissat a demora lo drapèu occitan suu son fronton.
 
 
 
LPA

 
   





abonar los amics de Jornalet

 

 
 

 

 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Thanos
6.

#3 Sabes ont lo plaçan, l'accent tonic, las lengas que degun mai non parlarà pas plus ?

  • 4
  • 0
Franc Bardòu
5.

#4 Sempre lo meteis constat : la sàvia lor mòstra la luna, e eles li gaitan lo det !… Ni res mai.

  • 7
  • 3
Pitaluga
4.

#3
Prauba espepissaira...

  • 6
  • 5
Ninon
3.

''Uei que declaram'' dab un maishant accent tonic portat sus l'abans-darrèra sillaba...quina lenga e vòlen sauvar, exactament? Praube occitanisme....

  • 9
  • 15
artur quintana font La Codonyera (Aragon)
2.

Los monges d'Escaladieu aideron pas a reconquistar o recristianizar la Peninsula Iberica mas a la conquistar e la cristianizar.

  • 8
  • 0

Escriu un comentari sus aqueste article