Actualitats
Rugbi de XIII: primièrs en dificultat e darrièrs que ganhan!
En campionat d’Elèit 1, aquesta dimenjada las partidas foguèron plan disputadas e s’acabèron sus de resultats pro espantants
Alan Roch
Tèxte legit
Las remontadas de Carcassona e Albi
Dissabte, a Sant Estève, los Dragonets recebian Carcassona: 12-12 a la pausa. Los catalans prenián un avantage bèl a l’ora de jòc mercé a 2 ensages transformats e una penalitat: 26-12. Las darrièras minutas èran favorablas als Canaris que signavan 3 ensages transformats per ganhar 30-26 après una famosa remontada!
Dimenge, a l’Agulha, los locals mestrejèron lo primièr temps per menar fàcia als albigeses 20-4 a la pausa, sens gaire de dificultats. Mas los Tigres tornèron amb plan de motivacions. Tòni Gigòt, gaire vist pendent una ora, mandèt una longa passa al pè a son alièr que marquèt, puèi sortiguèt son classic “fau mina de tustar al pè sul 5n tengut e zo! Cambiament de pè, me lanci e vau marcar”: victòria d’Albi 24-20.
Per contra a Pià, Lesinhan fa la diferéncia dins lo primièr temps: 22-4, e resistís al retorn dels catalans per ganhar 27-20.
Las autras doas partidas veson la victòria de Tolosa (9n) dins lo dèrbi de Nauta Garona fàcia a Sent Gaudenç: 30-18. Lo darrièr, Vilanòva, aprèp los Dragonets, pren gost a la victòria e bat Avinhon: 32-26.
Tolosa marca punts
En Championship, dissabte dins lor estadi, lo Tolosa Olimpic coneis pas cap de dificultat per dominar Newcastle: 58-0. Los Blau e Blanc comptan plan de confirmar aqueste dissabte 18 amb la recepcion d’York (18 h).
2 braves rescontres a Rotorua
Aqueste dissabte, l’estadi de Rotorua (Nòva Zelanda) èra lo teatre de la dobla confrontacion entre las formacions Maòris e Indigènas (Austràlia).
Cò de las femeninas, las australianas menavan 12-8 a la pausa, mas la formacion maòri ganhava 16-12.
Cò dels òmes, de clubs avián pas desirat que lors jogaires participèsson a l’eveniment; aquò levèt pas res a la qualitat e a l’engatjament del rescontre disputat en quatre quart-tempses. Los Maòris menan 6-4 al tèrme del primièr e 12-10 a la pausa. La partida capvirarà dins lo darrièr quart quand Selwyn Cobbo recupèra una palma dins sos 5 mètres, supèra dos jogaires e va marcar 95 mètres mai luènh. Los Aborigèns prenon l’avantatge 20-18. Selwyn Cobbo marca dos ensages de mai que permeton a sa formacion de véncer per 28 a 24.
La Superliga repren
Aquesta fin de setmana, se jogaràn las primièras partidas de la sason de Superliga. Cinc partidas son al programa, dins la mesura ont Saint Helens se trapa per ara en Austràlia per rescontrar dissabte las Pantèras de Penrith dins la finala de la Copa del Mond dels Clubs. Una formacion de Saint Helens que ven de ganhar las darrièras 4 competicions e que compta plan d’encadenar amb un cinquen trofèu.
La primièra partida de la sason se jogarà dijòus de ser a Warrington ont los Lops reçaupràn Leeds.
Divendres, alara que lo nòuvengut Leigh reçauprà Salford, los Dragons Catalans se desplaçaràn a Wakefield. Coma cada an, lo club comença sens saupre cossí las televisions (Skysport , BeInSport, Fox) seguiràn lor sason.
Dissabte, Hull KR reçauprà Wigan e dimenge Hull FC reçauprà Castleford.
Plaça a la Copa
Aquesta dimenjada, plaça als ueitens de la Copa.
Una partida se jogarà dissabte de vèspre: Carpentràs-Carcassona.
Las autras 7 partidas se tendràn dimenge de vèspre. Al programa:
— un afrontament Nacionala-Elèit 1: Ferrals/Pià (rescontre que se jogarà a Lesinhan)
— quatre partidas entre esquipas d’Elèit 2 (que recebon) e d’Elèit-1: l’Escura/Limós, Entraigas/Lesinhan, Vilagalhenc-Argon/Tolosa, Vilafranca-St Gaudenç,
— doas partidas entre formacions d’Elèit 1: Dragonets-Avinhon, Albi-Vilanòva.
A Lesinhan e Vilagalhenc, los sostens poiràn manjar un caçolet abans de seguir la partida!
Alan Roch
Dissabte, a Sant Estève, los Dragonets recebian Carcassona: 12-12 a la pausa. Los catalans prenián un avantage bèl a l’ora de jòc mercé a 2 ensages transformats e una penalitat: 26-12. Las darrièras minutas èran favorablas als Canaris que signavan 3 ensages transformats per ganhar 30-26 après una famosa remontada!
Dimenge, a l’Agulha, los locals mestrejèron lo primièr temps per menar fàcia als albigeses 20-4 a la pausa, sens gaire de dificultats. Mas los Tigres tornèron amb plan de motivacions. Tòni Gigòt, gaire vist pendent una ora, mandèt una longa passa al pè a son alièr que marquèt, puèi sortiguèt son classic “fau mina de tustar al pè sul 5n tengut e zo! Cambiament de pè, me lanci e vau marcar”: victòria d’Albi 24-20.
Per contra a Pià, Lesinhan fa la diferéncia dins lo primièr temps: 22-4, e resistís al retorn dels catalans per ganhar 27-20.
Las autras doas partidas veson la victòria de Tolosa (9n) dins lo dèrbi de Nauta Garona fàcia a Sent Gaudenç: 30-18. Lo darrièr, Vilanòva, aprèp los Dragonets, pren gost a la victòria e bat Avinhon: 32-26.
Tolosa marca punts
En Championship, dissabte dins lor estadi, lo Tolosa Olimpic coneis pas cap de dificultat per dominar Newcastle: 58-0. Los Blau e Blanc comptan plan de confirmar aqueste dissabte 18 amb la recepcion d’York (18 h).
2 braves rescontres a Rotorua
Aqueste dissabte, l’estadi de Rotorua (Nòva Zelanda) èra lo teatre de la dobla confrontacion entre las formacions Maòris e Indigènas (Austràlia).
Cò de las femeninas, las australianas menavan 12-8 a la pausa, mas la formacion maòri ganhava 16-12.
Cò dels òmes, de clubs avián pas desirat que lors jogaires participèsson a l’eveniment; aquò levèt pas res a la qualitat e a l’engatjament del rescontre disputat en quatre quart-tempses. Los Maòris menan 6-4 al tèrme del primièr e 12-10 a la pausa. La partida capvirarà dins lo darrièr quart quand Selwyn Cobbo recupèra una palma dins sos 5 mètres, supèra dos jogaires e va marcar 95 mètres mai luènh. Los Aborigèns prenon l’avantatge 20-18. Selwyn Cobbo marca dos ensages de mai que permeton a sa formacion de véncer per 28 a 24.
La Superliga repren
Aquesta fin de setmana, se jogaràn las primièras partidas de la sason de Superliga. Cinc partidas son al programa, dins la mesura ont Saint Helens se trapa per ara en Austràlia per rescontrar dissabte las Pantèras de Penrith dins la finala de la Copa del Mond dels Clubs. Una formacion de Saint Helens que ven de ganhar las darrièras 4 competicions e que compta plan d’encadenar amb un cinquen trofèu.
La primièra partida de la sason se jogarà dijòus de ser a Warrington ont los Lops reçaupràn Leeds.
Divendres, alara que lo nòuvengut Leigh reçauprà Salford, los Dragons Catalans se desplaçaràn a Wakefield. Coma cada an, lo club comença sens saupre cossí las televisions (Skysport , BeInSport, Fox) seguiràn lor sason.
Dissabte, Hull KR reçauprà Wigan e dimenge Hull FC reçauprà Castleford.
Plaça a la Copa
Aquesta dimenjada, plaça als ueitens de la Copa.
Una partida se jogarà dissabte de vèspre: Carpentràs-Carcassona.
Las autras 7 partidas se tendràn dimenge de vèspre. Al programa:
— un afrontament Nacionala-Elèit 1: Ferrals/Pià (rescontre que se jogarà a Lesinhan)
— quatre partidas entre esquipas d’Elèit 2 (que recebon) e d’Elèit-1: l’Escura/Limós, Entraigas/Lesinhan, Vilagalhenc-Argon/Tolosa, Vilafranca-St Gaudenç,
— doas partidas entre formacions d’Elèit 1: Dragonets-Avinhon, Albi-Vilanòva.
A Lesinhan e Vilagalhenc, los sostens poiràn manjar un caçolet abans de seguir la partida!
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los ligams entre XIII e occitan se ne parla dins l'emission Cinquième Tenu d'aqueste mes de febrièr sus RCF-Pays d'Aude : https://www.rcf.fr/culture-et-societe/cinquieme-tenu
D'escotar abans lo rendètz-vos del dimenge 26 de febrièr a l'estadi Domec a Carcassona :
- 15h30, la partida Carcassona-Tolosa
- 17h30, jol tibanèl : recital del Cristian Almerge per presentar sa cançon « Los Canaris de Carcassona » e son CD « Volèm rire al país » ; taulièr de libres occitans (IEO-Aude)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari