Bandièra01 1180x150: País Invisible

Actualitats

An piratat la television d’Iran en plen discors del president

Pendent l’interrupcion, la television emetèt d’images contra lo regim dels aiatollàs del temps que se cridava “mòrt a la Republica Islamica” e “mòrt al dictator”

Tèxte legit

D’hackers an reüssit a interrompre l’emission de la television iraniana en plena transmission del discors del president Ebrahim Raisi dins l’encastre de la ceremònia del 44n anniversari de la revolucion que fòrabandiguèt lo sha Mohammad Reza Pahlavi. Pendent l’interrupcion, que durèt un pauc mai d’una minuta, la television emetèt los simbòls d’un grop de piratas informatics e d’imatges contra lo regim dels aiatollàs del temps que se cridava “mòrt a la Republica Islamica” e “mòrt al dictator”.
 
Dempuèi setembre de l’an passat, en seguida del murtre per la polícia de la joventa curda Jina Amini, Iran es immergit dins de constantas protèstas antigovernamentalas reprimidas amb fòrça duretat de part dels policièrs e militars. Lo grop de defensa dels dreches umans HRANA assegura que son mòrts fins ara 528 manifestants, dont 71 menors. A mai, gaireben 20 000 personas son estadas detengudas.

 


abonar los amics de Jornalet

 



 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

V per Vendetta
1.

Qui piratarà un dels monològues pudents de l'actual (o dels futurs) cap(s) de l'estat francés linguïcidari, grand esfaçaire de pòbles ? Lo pòble persan mòstra qu'es un grand pòble…

  • 7
  • 0

Escriu un comentari sus aqueste article