Actualitats
Ohio: desralhatge d’un tren cargat de produches toxics e evacuacions
Se parla d’un desastre environamental e mai de “Chornobil en Ohio”
Tèxte legit
Lo 3 de febrièr passat, en Ohio (Estats Units) desralhèt e espetèt un tren cargat de substàncias toxicas, çò rapòrta The Washington Post. Cinc vagons, sus aperaquí cinquanta, portavan de clorur de vinil, un gas fòrça toxic restacat a divèrses tipes de càncers del fetge e que pòt quitament provocar la mòrt immediata. Las autoritats de l'estat d’Ohio evacuèron los residents de la vila d’East Palestine après considerar l’aire d’extrèmament mal respirar. Puèi las evacuacions s’estendèron a d’autres endreches dels entorns mentre que lo Conselh Nacional de la Seguretat dels Transpòrts començava d’estudiar la causa de l’accident.
Davant un desastre environamental talament grand, las autoritats decidiguèron diluns passat de liberar amb precaucion lo material perilhós que demorava dins aqueles vagons, per paur qu’espetèsson.
Qualques mèdias rapòrtan d’animals mòrts a 160 quilomètres del luòc de l’accident.
D’expèrts environamentalistas asseguran qu'aquel accident es a l’origina d’una catastròfa environamentala inquietanta qu’a polluit l’aire e l’aiga amb de substàncias toxicas mortalas. Se parla de “Chornobil en Ohio”.
En consequéncia d’aquela catastròfa, que se’n parla pas gaire, de desenas de personas sostenon la teoria conspiracionista que los òvnis davalats aquestes darrièrs jorns, qu’ara ja ne son quatre, son de cortinas de fum per desviar l’atencion.
Davant un desastre environamental talament grand, las autoritats decidiguèron diluns passat de liberar amb precaucion lo material perilhós que demorava dins aqueles vagons, per paur qu’espetèsson.
Qualques mèdias rapòrtan d’animals mòrts a 160 quilomètres del luòc de l’accident.
D’expèrts environamentalistas asseguran qu'aquel accident es a l’origina d’una catastròfa environamentala inquietanta qu’a polluit l’aire e l’aiga amb de substàncias toxicas mortalas. Se parla de “Chornobil en Ohio”.
En consequéncia d’aquela catastròfa, que se’n parla pas gaire, de desenas de personas sostenon la teoria conspiracionista que los òvnis davalats aquestes darrièrs jorns, qu’ara ja ne son quatre, son de cortinas de fum per desviar l’atencion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Oi ! Aquò's luènh ! E poiriá pas arribar en cò nòstre. Los de Malvesin, al ras de Narbona, pòdon dormir tranquilles : los trens de bordilhièr atomic son garantits per AREVA o ORANO, sabi pas pus cossí se ditz, que lo nom càmbia mas l'incompeténcia demòra.
Decididament, lo capitalisme industrial, dins sas declinasons "individualista a l'anglo-saxona" e "estatala a l'estaliniana", pòrta grèvament noire a la santat de totes e cadun ! Cap e cap a un perilh aital, dins l'interès public mai evident, l'ecologia — la sciéncia, non pas la parada politica d'opereta que li pana lo nom — non es mai una opcion politica, mas un simple recors de subrevida de cap a un perilh de mai en mai fòrt.
Mas dins aqueste paure mond, sempre es la lei del mai fòrt que preval, e jamai non es pas la lei del mai just. O pagarem car, coma de costuma.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari