Bandièra01 1180x150: Comuna de Tolosa

Actualitats

EscòlaInternacionalSocietat

Sant Joan de Lus: an tuat una professora d’espanhòl en plen cors

Un licean de 16 es mes en gàrdia a vista. Segon los enquistaires, a dich d’èsser “possedit” e d’aver ausit de voses

| Infos Françaises

Tèxte legit

Una professora foguèt escotelada en plen cors ièr dimècres 22 de febrièr devèrs 10h al collègi-licèu privat catolic Sant Tomàs d'Aquin de Sant Joan de Lus (Bascoat). Se passèt devèrs 10 oras del matin, dins sa classa. Aviá 52 ans e ensenhava lo castelhan. L’agression l’auriá comesa un licean de 16 ans qu’es plaçat en gàrdia a vista. Segon los enquistaires, a dich èsser “possedit” e aver ausit de voses.
 
Socorses e fòrças de polícia arribèron sus plaça après lo crime. Tanben lo prefècte del departament dels Pirenèus Atlantics e lo procuraire de Baiona, que confirmèt lo decès de l’ensenhaira e qu’a dobèrt una enquista judiciària.
 
Tanplan sus plaça, l’evesque de Baiona planhiá lo crime que lo considerava lo prelat “impensable sus [lor] còsta basca tan tranquilla”. Lo president del conselh departamental mandèt sos sosten e solidaritat a la familha de la victima, als ensenhaires, als escolans e lors parents.
 
Lo pòrtavotz del govèrn francés, Olivier Veran, transmetèt lo sosten de l’executiu après lo conselh dels ministres e anoncièt la vesita que, qualques oras pus tard, fariá sus plaça lo ministre de l’educacion, Pap Ndiaye.
 
La paura ensenhaira es lo primièr professor de l’estat francés tuat dins l'encastre de sas foncions dempuèi Samuel Paty, assassinat en octòbre de 2020 per un jihadista. Sièis ans abans, en julhet de 2014, una ensenhaira d’una escòla d’Albi foguèt escotelada mortalament per la maire d’una escolana.

 
 
 


abonar los amics de Jornalet

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article