Bandièra01 capçalera  1180x150: Novestivada

Actualitats

D’eurodeputats abandonan l’audiéncia del Parlament Europèu sul catalan a l’escòla

L’espanholisme aviá organizat un debat sus l’immersion lingüistica en Catalonha mas la majoritat dels parlamentaris acusan la sesilha de “manipòla”

Tèxte legit

Fòrça eurodeputats d’esquèrra e ecologistas quitèron dimars l’audiéncia del Parlament Europèu ont se voliá far un debat sul modèl d’immersion lingüistica de l’escòla catalana (e l’aranesa de rebucada). La sesilha se convoquèt a la demanda de l’eurodeputada Dolors Montserrat, del Partit Popular, tanben presidenta de la comission de las peticions, e convidava quatre pretenduts expèrts del subjècte nomenats pel Partit Popular e Ciutadans, dos partits politics coneguts per lor oposicion viscerala a l’escòla en catalan.
 
“Es una sesilha del tot biaissada a partir de quatre expèrts dont tres son causits pel Partit Popular”, çò diguèt l’eurodeputada ecologista danesa Margarete Auken que tanben senhalèt que l’autre d’aqueles “expèrts” èra deputat pel partit espanholista d’extrèma drecha Vox al Parlament de Catalonha. “Es ja sauput que totes eles s’opausan al modèl d’immersion lingüistica catalan”, çò expliquèt en tot conclure qu’aquela sesilha èra “completament inacceptabla”. Dins aquel sens acusèt l’eurodeputada espanholista de “manipulacion del comitat e de las nòrmas de procedura” en tot precisar que “las proposicions constructivas” fachas pels vèrds èran estadas refusadas. “Avèm pas cap d’autra causida que de quitar la sala e nos ocupar pas d’aquesta sesilha”, çò concluguèt Auken abans de partir.

 


















abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Gerard Joan Barceló Pèiralata
5.

#3 Òc, sès tant d'esquèrra coma Franco, tu...

  • 11
  • 7
Pitaluga
4.

#3 Parlar de dictatura, e en mai per un govèrnament d'ERC, i a pas que VOX per dire d'asenadas aital. Aquò empacha pas d'èsser d'esquèrra, ja qu'es vertat que i a una esquèrra intoleranta e mortifèra. Lo Robespierre èra un d'esquèrra obsessionat per mandar tant que podiá de mond se far copar lo cap. Tot un simbol: copar lo cap es escampar lo cervèl de las gents. Cal pas daissar que lo mond pense pas çò que pensa l'intolerant, que siá de drecha, d'esquèrra o de centre.
Ieu, ai res contra los nacionalistas espagnols, an lo drech d'aver lor opinion. Çò qu'an pas lo drech es de voler enebir de pensar que mai val una Catalonha independenta.
Remenmbratz çò que disiá lo regretat Ovidi Montllor :
"I a de mond que lor agrada pas que se parle, s'escriga o se pense en catalan. Son los meteisses que lor agrada pas que se parle, s'escriga o se pense."
Pensi que fasètz partida d'al mond.

  • 21
  • 5
carles països valencians
3.

#2

creure i voler la unitat d'Espanya no és d e dretes o esquerres.
jo soc d'esquerres i crec que l'unitat d'Espanya és necessaria. Unitat dins d'una pluralitat de nacionalitats históriques com pot ser catalunya, pais vasc, pais valencià, galiza.
devem saber bé tant el castellà com les llengûes de les diferents nacionalitats, en armonia i sens animositat.
A catalunya el castellà està marginat pel govern, que no per la població que ha començat a odiar la dictadura del govern actual. Caldria un canvi democràtic i deixar que tant el català com el castellà tingueren cabuda.

  • 5
  • 26
Pitaluga
2.




Pels fraires siameses del PPSOE lo catalan es vengut una obsession. Talament que la mitat PP es prèsta a pachejar amb los faissistas de VOX. E los autres ne son pas luènh. Tal coma aquel ancian deputat comunista, Ramón Tamames, qu'accèpta de menar la mocion de censura de VOX contra lo govèrnament perque çò que compta mai que tot es "la unidad d España". es a dire que coma al temps de Franco, contunhan a marcha forçada "por el imperioo hacia Dios".

  • 14
  • 2
Valadier Jean-Charles Tolosa
1.

Plan interessant la posicion del Parlament europèu. Pensi que tant los elegits de dreita coma d'esquèrra an plan consciéncia de las manipulacions de Madrid

  • 16
  • 0

Escriu un comentari sus aqueste article