Bandièra01 1180x150: País Invisible

Actualitats

La polícia grèga a panat mai de dos milions d’èuros a de migrants e refugiats a la frontièra

Almens 20 000 migrants son estats victimas dels panatòris de la polícia grèga, segon una enquista dels jornals El País e Solomon

Tèxte legit

La polícia grèga a panat d’argent e d'objèctes de valor a de milièrs de migrants qu’an demandat l’asil al país dins las darrièras sièis annadas, segon una enquista publicada pel jornal espanhòl El País e pel grèc Solomon. 20 000 migrants, al minim, son estats victimas dels panatòris de las fòrças de seguretat grègas, qu’an empochat mai de dos milions d’èuros en liquid.
 
Segon l’enquista, los agents arrestava las personas en situacion irregulara e las retenián dins de comissariats, de casèrnas de l’armada o de magazins abandonats. Un còp aquí, lor rebutavan lo drech de demandar l’asil, las tractavan amb violéncia e lor raubavan l’argent e los objèctes de valor. Après tot aquò, las metián dins de barcas gonflablas e las obligavan de tornar en Turquia per lors pròpris mejans.
 
Lo govèrn de Grècia assegura que ne sap pas res. Totun, qualques ONG umanitàrias an confirmat als investigators l’existéncia d’aquelas practicas.



abonar los amics de Jornalet

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article