Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

Aran, Sant Gaudenç e Tolosa renauissen era cooperacion des servicis medicaus d’urgéncies

Es urgéncies der Espitau d’Aran se contunhen en Sant Gaudenç o Tolosa quan ei de besonh, e eth SAMU31 amie pacients en Aran entà intervencions primàries

| Conselh Generau d’Aran

Tèxte legit

Eth govèrn d’Aran, per mejan deth Servici Aranés dera Salut, a reanuit era convencion qu’auie damb eth Centre Espitalièr Comenge-Pirenèus de Sant Gaudenç e damb eth Centre Espitalièr Universitari (CHU, segons era sigla en francés) de Tolosa, entà contunhar eth tractament des urgéncies dera Val d’Aran quan serà de besonh.
 
Pera sindica d’Aran, Maria Vergés, aguest acòrdi e “ua garantia entà balhar cobertura sanitària enes emergéncies”, çò arrepòrte eth Conselh Generau d’Aran.
 
Aguest acòrdi comencèc en 2016 e establís qu’es urgéncies der Espitau dera Val d’Aran contunharàn en Sant Gaudenç o en Tolosa quan serà de besonh e tanben que se realizaràn servicis d’intervencions primàries en Espitau d’Aran pes pacients amiadi peth SAMU deth departament de Nauta Garona.

 
 
abonar los amics de Jornalet

 



 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Jean-Charles Valadier La Selva de Segalar
1.

Oscars al govèrn d'Aran. Aquel acòrdi es a l'encòp una plan bona causa e a l'encòp lo signe del pauc d'interès que los dos estats França e Espanha balhan a l'integracion dels diferents territòris dels Pirenèus tant en tèrmes de transpòrt en comun, santat, educacion, e segur sus una promocion comuna de la lenga occitana.

  • 11
  • 0

Escriu un comentari sus aqueste article