Bandièra01 1180x150: Comuna de Tolosa

Actualitats

Era net dera catedrala

Un libe entaths joens qu’a Sent Bertran de Comenge coma decòr

Era catedrala de Sent Bertrand de Comenge
Era catedrala de Sent Bertrand de Comenge | Kristobalite
Eth an passat, eth autor comengés Christian Louis que publiquèc La nuit de la cathédrale, un conde fantastic que’s passa a Sent Bertran de Comenge. Que conda eras aventuras d’un gafet que ven vesitar era catedrala en ame era sua classa e que s’i pèrd. Que descobrirà atau un terrible secret…
 
Aqueth libe taths joens, qu’interessarà tanben eths qu’an un esperit curiós, que permet de portar ua uelhicada diferenta sus eth monument mès vesitat de Comenge.
 
Era traduccion en occitan gascon, hèta per Joan Pau Ferrè, professor d’occitan a Aurinhac e a Sent Gaudenç, que ven d’èster publicada. Aqueth libe de 160 paginas que’s vòu atau un utís pedagogic a destinacion deths qu’aprenguen eth occitan, que sián petitis o granis.
 
Era net dera catedrala que’s pòt comandar auprès deth traductor ath prètz de 10 € (+ 2,70 € de pòrt): Joan Pau Ferrè – Eth Bosquet – 09160 Bèthhag / Betchat (chèc ath nom deth Ostau Comengés).
 
 
 
 
FJP
 
 
 
_____
LOUIS, Christian. Era net dera catedrala (tradusit en occitan per Joan Pau Ferrè). Eth Ostau Comengés, 2013. 160 paginas.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article