Tèxte legit
Espleit majuscul dels Dragons Catalans aqueste dijòus de ser a Wigan, sus una pelena ont avián pas ganhat dempuèi 2011. Cal creire que cal lo marrit temps (la nèu), una temperatura pròcha de 0°C, una infirmariá comola (8 titularis absents), un centre nafrat (Matieu Laguèrra) en debuta de partida e remplaçat per un jogaire de la resèrva per sublimar los Dragons qu’opausèron una defensa de fèrre als locals. Dins lo primièr temps, Manu Ma’u e Romano marcavan un ensag, Keighran ajustava 4 punts al pè (una transformacion e una penalitat). Los locals s’acontentavan d’un penalitat a la darrièra minuta (2-12), mas marcavan un ensag transformat tre la represa, puèi una penalitat per tornar a 10-12. Tyrone May tustava a seguir dins l’esquina de la defensa anglesa, e Manu Ma’u puntava son segond ensag que Keighran transformava. Dins lo darrièr quart d’ora, de Dragons solidaris se multiplicavan en defensa per servar la victòria 18-10.
Partejan la primièra plaça del classament amb los Lops de Warrington qu’an ganhat cò d’Hull KR (18-10), la formacion que serà a Brutus aqueste dissabte 18 (18h). Los dos fan lo trauc que lo tresen a ganhat solament doas partidas.
Lo campion Saint Helens es a la pena: desfaita a Leigh (12-20) cò de Leopards qu’an realizat un recrutament XXL. Salford va passar 60 punts a Hull FC (60-14). Wakefield alinha una quatrena desfaita e una tresena partida sens marcar un sol punt: desfaita 0–26 a Leeds. Totjorn pas de victòria tanpauc per Castleford, batut sevèrament a Huddersfield (6-36).
De notar que Sam Tomkins esperarà pas d’aver 64 ans per prene la retirada de jogaire: ven d’anonciar qu’arrestariá a la fin de la sason per integrar la còla dirigenta del club dins un ròtle d’ambaissador.
En Championship, lo Tolosa Olimpic jogarà dissabte a Widnes.
Granda serada XIII aqueste dissabte 18 a Avinhon
Lo Pargue dels Espòrts d’Avinhon serà lo quadre de doas bravas partidas de XIII aqueste dissabte 18: s’i poirà seguir lo rescontre de campionat Avinhon-Albi abans la partida internacionala femenina França-Serbia.
En campionat d’Elèit 1, l’oposicion de las 2 resèrvas Dragonets e TO se jogarà dissabte a Sant Estève.
Dimenge, bèl afrontament a Pià ont los catalans reçaupràn los primadièrs de Carcassona. Aprèp lo quart de Copa perdut a l’Agulha (6-42), St Gaudenç tornarà rescontrar Limós a l’Agulha alara que Lesinhan se desplaçarà a Vilanòva.
NRL: e se los Dalfins venián reis?
Bon, ne sèm pas qu’a la debuta de sason, mas la novèla formacion de Queensland signa sa segonda victòria en batent Canberra 20-14. Brisbane empòrta lo dèrbi de Queensland fàcia als Vaquièrs: 28-16. Los campions Penrith baton los Lapinons: 16-10. Los Polets dominan los Combatents neozelandeses: 20-12. Las Làmias se van impausar cò de las Anguialas 30-26. Suspresa a Melbourne: los Dògols menan 16-0 a la pausa, ajustan dos ensages e ganhan 26-12! Los Dragons de l’emisfèri sud son tanben en forma: victòria 32-18 fàcia als Titans.
Alan Roch
Partejan la primièra plaça del classament amb los Lops de Warrington qu’an ganhat cò d’Hull KR (18-10), la formacion que serà a Brutus aqueste dissabte 18 (18h). Los dos fan lo trauc que lo tresen a ganhat solament doas partidas.
Lo campion Saint Helens es a la pena: desfaita a Leigh (12-20) cò de Leopards qu’an realizat un recrutament XXL. Salford va passar 60 punts a Hull FC (60-14). Wakefield alinha una quatrena desfaita e una tresena partida sens marcar un sol punt: desfaita 0–26 a Leeds. Totjorn pas de victòria tanpauc per Castleford, batut sevèrament a Huddersfield (6-36).
De notar que Sam Tomkins esperarà pas d’aver 64 ans per prene la retirada de jogaire: ven d’anonciar qu’arrestariá a la fin de la sason per integrar la còla dirigenta del club dins un ròtle d’ambaissador.
En Championship, lo Tolosa Olimpic jogarà dissabte a Widnes.
Granda serada XIII aqueste dissabte 18 a Avinhon
Lo Pargue dels Espòrts d’Avinhon serà lo quadre de doas bravas partidas de XIII aqueste dissabte 18: s’i poirà seguir lo rescontre de campionat Avinhon-Albi abans la partida internacionala femenina França-Serbia.
En campionat d’Elèit 1, l’oposicion de las 2 resèrvas Dragonets e TO se jogarà dissabte a Sant Estève.
Dimenge, bèl afrontament a Pià ont los catalans reçaupràn los primadièrs de Carcassona. Aprèp lo quart de Copa perdut a l’Agulha (6-42), St Gaudenç tornarà rescontrar Limós a l’Agulha alara que Lesinhan se desplaçarà a Vilanòva.
NRL: e se los Dalfins venián reis?
Bon, ne sèm pas qu’a la debuta de sason, mas la novèla formacion de Queensland signa sa segonda victòria en batent Canberra 20-14. Brisbane empòrta lo dèrbi de Queensland fàcia als Vaquièrs: 28-16. Los campions Penrith baton los Lapinons: 16-10. Los Polets dominan los Combatents neozelandeses: 20-12. Las Làmias se van impausar cò de las Anguialas 30-26. Suspresa a Melbourne: los Dògols menan 16-0 a la pausa, ajustan dos ensages e ganhan 26-12! Los Dragons de l’emisfèri sud son tanben en forma: victòria 32-18 fàcia als Titans.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari