Bandièra01 1180x150: País Invisible

Actualitats

La demission d’un gendarma

La brutalitat policièra d’aquestes jorns desvelha  en el de questions

Tèxte legit

Un abonat de Mediapart a publicat un tèxt entitolat “La demission d’un gendarma”. Segon aquel tèxt, se tractariá de la letra de demission d’un policièr. Dins la letra, ditz que venguèt gendarma “amb l’idèa d’ajudar las victimas”, pensa “totjorn que cal pas daissar aqueles mestièrs a de gents de drecha” mas se vei “pas contunhar dins aquel mestièr que defend un sistèma prigondament injust” e participa a la criminalizacion de las classas popularas.
 
En mai d’aquò, l’autor de la letra apond que “davant l'urgéncia climatica e sociala, se pòt pas demorar de marme envèrs nòstres conciutadans que reclaman un pauc mai de justícia, un pauc mai de solidaritat e d'umanitat”. Se justifica perque, quand vei sus Internet difusats los vidèos de sos collègas, lors manòbras, lor violéncia innecessària e desproporcionada, ben luènh de çò avián aprés a l’escòla, se demanda “çò que demòra de nòstras fòrças de l'òrdre”.
 
Enfin, se declara “en colèra e prigondament decebut d'aquel sistèma, d'aquelas injustícias que trionfan encara un còp de mai” e e vòl “pas pus èsser darrièr el”, mas “davant”. Manifèsta sa  colèra e son malcontentament e vòl “jónher la lucha fàcia a aquel sistèma prigondament injust”.
 
“Passar d'autre costat de la barricada, coma dirián d'unes”, çò conclutz en tot anonciar que demissiona.
 
 
De gendarmas amb lo casco trach e units amb los manifestants?
 
D’autre caire, una coleta de gendarmas mobils foguèron aplaudits dijòus passat pel public, e lo vidèo venguèt viral dins los rets socials.  Lo mond los vesián non pas reprimir los manifestants, mas se traire lo casco e semblar de jónher los protestataris dins lo IXn arredondiment de París, en Carrièra de Provença. Tanben un autre vidèo, tanben viral, mòstra una molonada de Niça a cridar “la polícia emb nautres” e los fòrças de l’ordre lèvan alara lors cascos. Segon Libération, ça que la, aquelas scènas serián subreinterpretadas: a París, los gendarmas aurián simplament acompanhat fins al mètro de manifestants, de per abans blocats, e coma a Niça lo casco trach significariá sonque que los agents se sentián en seguretat. Pasmens, dins un ambient social de tensions fòrtas, aqueles imatges an agut un impacte indiscutible.
 
 
De denóncias de la brutalitat policièra
 
Invèrsament, lo Conselh Europèu e divèrsas ONG de dreches umans an denonciat la brutalitat policièra pendent las manifestacions contra l’impopulara reforma de las retiradas impausada pel govèrn francés. Aquestas denóncias seguisson las declaracions de la Liga francesa dels Dreches de l’Òme, qu'acusa las autoritats francesas de comprometre “lo drech de contèsta dels ciutadans en tot far un usatge desproporcionat e perilhós de la fòrça publica”.

 
 
 
 
 
 
 
 
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ugenon
3.

Contunhatz d'entreténer aquela detestacion de la poliça… Quau sonaretz lo jorn que…

  • 2
  • 10
Ugenon
2.

Un abonat de Mediapart ? Una publicacion que deu èsser absoludament imparciala, tè…

  • 1
  • 9
Pitaluga
1.

Son pas de violéncias policièras. Son de manifestatnts que se trapan per azard jols trucacolhons quand tustan.
E coma dison lo Zemour, lo Raffarin e d'autres, le violéncia policèra es la sola violéncia legitima. Los autres, quand lèvon un dedon son de criminals que fan pròva d'una violéncia espantosa.

  • 11
  • 2

Escriu un comentari sus aqueste article