Tèxte legit
Èra jorn de fèsta aqueste dissabte a l’estadi Domèc, una brava taulejada a l’entorn d’un caçolet, puèi lo dèrbi Carcassona-Limós que determinariá qual acabariá primièr dins la fasa de classament.
Los limosencs marcavan los primièrs e dominavan lo primièr quart d’ora (12-4), mas los locals se mostravan mai actius e mai constructius amb una melhora circulacion de la palma, d’iniciativas ofensivas e de solidaritat defensiva per menar 24-12 a la pausa e véncer 42-18 amb 8 ensages marcats. Los Canaris s’asseguran atal d’acabar primièrs.
A Lesinhan, Avinhon mena a la pausa (12-8), mas los Molinièrs fan la diferéncia dins lo segond temps 37-1 8. Albi domina los Dragonets: 40-8.
Dimenge, Pià va ganhar a Tolosa 30-24. En emportant la victòria fàcia a Vilanòva 34-10, los Orses de Sent Gaudenç jogaràn la darrièra plaça qualificativa amb Avinhon dins la partida qu’opausarà las doas formacions lo 15 d’abril en Provença.
Lo rinocèros es una bèstia tota negra!
Fasiá pas bon viatjar en Anglatèrra aqueste dissabte 25 de març. En Championship, Tolosa pòt pas res cò de las Aglas de Sheffield: desfaita 4-32.
En Superliga, amb la rintrada de nafrats, los Dragons anavan jogar cò dels Rinocèros de Leeds, la formacion que los aviá eliminats en fasa finala en setembre passat. Los catalans capitèron lo primièr temps e menavan 22-8 a la pausa. Se trapèron a la represa en superioritat numerica en rason d’un carton jaune del costat de Leeds. Es dins aquelas dètz minutas que los angleses marquèron dos ensages e la partida virèt de sens: pas un punt de marcat pels Sang e Aur dins las darrièras 40 minutas fàcia als 5 ensages angleses. Al cap, primièra desfaita de la sason: 22-32!
Warrington demòra la sola formacion sens desfaita: victòria a Castleford: 38-0. Los Tigres seràn a Brutus aqueste dissabte de ser. Saint Helens torna prene vam e ganha a Huddersfield: 14-12. Totjorn pas de victòria per Wakefield batut a domicili per Hull KR: 6-34.
NRL: los Broncòs, mèstres de Brisbane
Pas mai una plaça de liura a l’estadi de Brisbane aqueste divendres 24 pel dèrbi entre los istorics Bròncos e los nòuvenguts, los Dalfins. La partida virèt a l’avantatge dels Bròncos: 18-12 que son los sols a aver ganhat totas las partidas dempuèi la debuta de la sason. Per contra, los Tigres de l’Oèst an totjorn pas ganhat una sola partida..
Es al punt en aur que las Anguialas baton las Pantèras de Penrith: 17-16 e que los Lapinons ganhan fàcia a las Aglas de Manly: 13-12.
Los primièrs, los Bròncos, e los darrièrs, los Tigres, se rescontraràn dissabte 1r d’abril a Brisbane.
Alan Roch
• Fotografia: lo mesclanha australian O’Beirne marca per Carcassona fàcia a Limós e es designat òme de la partida (fòto: )
Los limosencs marcavan los primièrs e dominavan lo primièr quart d’ora (12-4), mas los locals se mostravan mai actius e mai constructius amb una melhora circulacion de la palma, d’iniciativas ofensivas e de solidaritat defensiva per menar 24-12 a la pausa e véncer 42-18 amb 8 ensages marcats. Los Canaris s’asseguran atal d’acabar primièrs.
A Lesinhan, Avinhon mena a la pausa (12-8), mas los Molinièrs fan la diferéncia dins lo segond temps 37-1 8. Albi domina los Dragonets: 40-8.
Dimenge, Pià va ganhar a Tolosa 30-24. En emportant la victòria fàcia a Vilanòva 34-10, los Orses de Sent Gaudenç jogaràn la darrièra plaça qualificativa amb Avinhon dins la partida qu’opausarà las doas formacions lo 15 d’abril en Provença.
Lo rinocèros es una bèstia tota negra!
Fasiá pas bon viatjar en Anglatèrra aqueste dissabte 25 de març. En Championship, Tolosa pòt pas res cò de las Aglas de Sheffield: desfaita 4-32.
En Superliga, amb la rintrada de nafrats, los Dragons anavan jogar cò dels Rinocèros de Leeds, la formacion que los aviá eliminats en fasa finala en setembre passat. Los catalans capitèron lo primièr temps e menavan 22-8 a la pausa. Se trapèron a la represa en superioritat numerica en rason d’un carton jaune del costat de Leeds. Es dins aquelas dètz minutas que los angleses marquèron dos ensages e la partida virèt de sens: pas un punt de marcat pels Sang e Aur dins las darrièras 40 minutas fàcia als 5 ensages angleses. Al cap, primièra desfaita de la sason: 22-32!
Warrington demòra la sola formacion sens desfaita: victòria a Castleford: 38-0. Los Tigres seràn a Brutus aqueste dissabte de ser. Saint Helens torna prene vam e ganha a Huddersfield: 14-12. Totjorn pas de victòria per Wakefield batut a domicili per Hull KR: 6-34.
NRL: los Broncòs, mèstres de Brisbane
Pas mai una plaça de liura a l’estadi de Brisbane aqueste divendres 24 pel dèrbi entre los istorics Bròncos e los nòuvenguts, los Dalfins. La partida virèt a l’avantatge dels Bròncos: 18-12 que son los sols a aver ganhat totas las partidas dempuèi la debuta de la sason. Per contra, los Tigres de l’Oèst an totjorn pas ganhat una sola partida..
Es al punt en aur que las Anguialas baton las Pantèras de Penrith: 17-16 e que los Lapinons ganhan fàcia a las Aglas de Manly: 13-12.
Los primièrs, los Bròncos, e los darrièrs, los Tigres, se rescontraràn dissabte 1r d’abril a Brisbane.
Alan Roch
• Fotografia: lo mesclanha australian O’Beirne marca per Carcassona fàcia a Limós e es designat òme de la partida (fòto: )
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari