Bandièra01 1180x150: La Passem

Actualitats

EnvironamentPoliticaSocietat

De mobilizacions contra la dissolucion del movement ecologista dels Soslevaments de la Tèrra

Lo ministre francés de l’interior francés a anonciat la dissolucion d’aquela associacion, un dels collectius que cridèt a manifestar per l’aiga a Sainte-Soline

Marselha
Marselha

Tèxte legit

De recampaments se tenguèron ièr de ser davant las principalas prefecturas del país e de l’estat en protèsta contra l’anóncia del ministre francés de l’interior, Gérald Darmanin, de dissòlver lo movement ecologista dels Soslevaments de la Tèrra, un dels collectius que cridèt a manifestar contra la megarestanca a Sainte-Soline (Peitau) los 25 e 26 de març passats.
 
La tòca d’aqueles recampaments èra de sosténer los dos manifestants dins lo còma, las personas nafradas en aquela protèsta e lo movement contra la reforma de las retiradas. Tanben, segon Libération, fa polemica l’extrèma lentor dels socorses per evacuar los nafrats grèus. A mai, reclaman la fin de las granadas GM2 contra la populacion civila e la dissolucion de la Brav-M, dont la peticion publicada sus la plataforma de l'Assemblada nacionala, que la remembrava ièr Cristina Barnier dins sa tribuna d’opinion, se plaça a l’entorn de las 200 000 signaturas.
 
Lo ministre Darmanin a reconegut “un usatge proscrich” de las balas de defensa (LBD), tanben apeladas flashballs, per reprimir la mobilizacion en Peitau, çò rapòrta La Nouvelle République
 
Segon lo movement ecologista dels Soslevaments de la Tèrra, “la brutalitat concomitanta de la responsa d'estat a la perseguida del movement de las retiradas e a la mobilizacion de Sainte-Soline marca al fèrre roge l'istòria del país”.
 


 
 
 
 
 
 

 
 
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
2.

Cal signar la peticion. Es pas complicat. Ne sèm gaireben a la mitat de las 500 000 signaturas al cap d'una setmana. A la fin del temps donat, en junh, n'i pòt aver plan mai que çò necessari. Cal mostrar a l'Autocrata qu'es pas autorizat a jogar a sa fantasiá amb l'avenir nòstre.
Ara tempta de nos distraire amb un plan aiga plan aigalit. Un plan aiga que daissarà los asagaires asagar a lor enveja. Un còp mai se fot de nosautres.
La peticion, qu'es partida per capitar, permetrà de far lum sus totas las messorgas de Darmanin, Zemmour, Reynié e los partisans de la violencia d'Estat qu'eles la dison legitima.

  • 2
  • 1
Cristina
1.

I a una peticion sus la plataforma de l’Amassada nacionala per la dissolucion de la “BRAV-M”
— https://petitions.assemblee-nationale.fr/initiatives/i-1319?locale=fr
Amics occitans es pas de creire de veire massacrar los nòstres fraires, sorres, enfants, que vòlon sonque un mond mai juste, una melhora reparticion de l’aiga, una societat ont fariá bon viure amassa! Un mond ont la paratge seriá pas de complotisme!
S’arribam als 500 000 signataris, los deputats seràn obligats d’examinar la question.
Al 4n jorn se’n manca pas gaire. E avèm fins al 15 de junh. Cal signar e far signar.
I a pas que picar: “petition brav-m” e seretz sul siti del parlament. Vos cal conectar amb France connect, siá amb lo n°de las talhas, o quicòm d’autre de propausat.
Lo mond de deman serà çò que ne farem! Aviam e gardarem lo drech de o dire sens se far massacrar!

  • 8
  • 0

Escriu un comentari sus aqueste article