En collaboracion amb Ràdio Occitània, Jornalet prepausa cada dimenge una entrevista àudio del podcast de la ràdio tolosana. Aquesta setmana, retrobam l’entrevista que faguèron de la scenarista Eva Cassanhet a prepaus del cortmetratge en occitan qu’enregistrèron a Tarba la dimenjada passada amb la còla d’Art’Òc.

Los 25 e 26 de març, los passejaires del Jardin Massey a Tarba assistiguèron a un vira-e vai-t’en dels particulars. Una chorma d’una quinzena de personas fasiá de presas de vista a cèrts endreches clau. Jos lor agach estonat, l’associacion Art’Òc concretizava son darrièr projècte. Segon çò que raportèron a Jornalet al començament de març, s’agís d’un “filme de petit budget, hèit en familha”. L’autor e musician provençal Silvan Chabaud prèsta la votz. Maria Lavit es l’eroïna e son fraire Pèir fa una aparicion. Que poirà ben donar un tal atelatge? Ràdio Occitània ne parla dirèctament amb la responsabla de tot aquò : la scenarista Èva Cassanhet.