Actualitats
La Seria arriba uèi a la television
S’agís d’un projècte original e amusant de 5 episòdis de 40 minutas filmats entre Tolosa e Barcelona e jogats en occitan, francés e catalan
Tèxte legit
A partir de uèi LaSeria se pòt veire sus la plataforma numerica de France Television. S’agís d’un projècte original e amusant de 5 episòdis de 40 minutas filmats entre Tolosa e Barcelona e jogats en occitan, francés e catalan.
Realizada per Amic Bedel amb un escenari d’Amic Bedel e Julian Campredon, La Seria arriba a la television producha per France 3 Occitanie dètz ans après lo filmatge de son pilòt. Lo trabalh de tria de la còla de Piget, la paciéncia e la persisténcia a cercar de finançaments an ben capitat. L’aventura la nos contarà un making of qu’acompanharà la difusion.
L’eveniment se festegèt ièr a Tolosa, amb una avantprimièra de la sèria tota entièra sus grand ecran al cinèma Pathé Wilson.
La difusion de LaSeria l’acompanhan la region administrativa dicha Occitània, lo CIRDÒC, l'Agéncia Occitanie Films, en associacion amb France 3 Occitanie.
A totes nosautres de sosténer lor dardalhament en Occitània e endacòm mai, pel plaser dels publics.
De sesilhas escolaras
En mai d’aquò, de sessions escolaras seràn organizadas, sostengudas per la creacion de documents pedagogics que permetràn de melhor comprene las estapas de fabricacion de la sèria e de partejar d'informacions e de reflexions sus la faiçon dont aquela ficcion s’inscriu, d’un biais natural e singular, dins la cultura occitana.
Realizada per Amic Bedel amb un escenari d’Amic Bedel e Julian Campredon, La Seria arriba a la television producha per France 3 Occitanie dètz ans après lo filmatge de son pilòt. Lo trabalh de tria de la còla de Piget, la paciéncia e la persisténcia a cercar de finançaments an ben capitat. L’aventura la nos contarà un making of qu’acompanharà la difusion.
L’eveniment se festegèt ièr a Tolosa, amb una avantprimièra de la sèria tota entièra sus grand ecran al cinèma Pathé Wilson.
La difusion de LaSeria l’acompanhan la region administrativa dicha Occitània, lo CIRDÒC, l'Agéncia Occitanie Films, en associacion amb France 3 Occitanie.
A totes nosautres de sosténer lor dardalhament en Occitània e endacòm mai, pel plaser dels publics.
De sesilhas escolaras
En mai d’aquò, de sessions escolaras seràn organizadas, sostengudas per la creacion de documents pedagogics que permetràn de melhor comprene las estapas de fabricacion de la sèria e de partejar d'informacions e de reflexions sus la faiçon dont aquela ficcion s’inscriu, d’un biais natural e singular, dins la cultura occitana.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un gran mercés a l'Amic Bedel que sense eth i auré pas gran causa coma navèra produccion video en òc ! Èi pas encara acabat d'espiar la seria mès peu moment èi plan apreciat l'umor e la qualitat deu trabalh qué que 'n disen los repotegaires que hèn pas que repotegar.
#8 E quant avètz pagat ende gaitar aquesta seria sus internet? es benlèu ua part de l'explicacion de la vòstra decepcion.
Lo talent sens l'argent es un pauc coma lo motor sens la gazolina. Podèm aver totas las capacitats per ganhar la corsa, mas quand manca la finança....
#8 E au comparar d'ua seria lambà franchimanda, rapòrt qualitat/prètz? per informacion ua seria francesa de 13 episòdis - es a dire lo doble d'aquesta- que còsta entre 36 e 54 milions d'euros... vos daissi lo plaser de calcurar. Quand n'aurem tant (es a dire entre 3 e 4 milions per episòdi) podrem comparar.
Seria espiada ger sus internet....Pro decebut totun après tot çò que'n disèvan los occitanistas...
Òsca a tota la còla capuda e talentuosa que menèt aqueste projècte!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari