Bandièra01 1180x150: País Invisible

Actualitats

crotz-tolosaCreated with Sketch.GasconhaArmanhacSavés

L’Isla de Baish: concèrts de sensibilizacion a l’occitan au collègi Louise Michel

En parallèl s’assegura òras d’iniciacions generalizadas a totes les escolans non occitanistas ende suscitar l’enveja de perseguir en ensenhament opcionau

Le dimèrcs 5 d’abriu, dins l’encastre de l’iniciacion generalizada a l’occitan prepausada a totas las classas de siesena, le collègi Louise Michel de l’Isla de Baish (Savés) aufrissèva a tots les escolans de 6a atau com aus escolans que seguissen l’opcion, un concèrt pedagogic occitan.
 
En parallèl d’aquera animacion pedagogica, Virginia Lago, professora d’occitan au collègi, assegura òras d’iniciacions generalizadas a totes les escolans non occitanistas de siesena ende suscitar l’enveja de perseguir en ensenhament opcionau autanlèu la cinquena.
 
Atau, es una centena d’escolans qu’avoc l’astre d’assistir a una animacion pedagogica e un escambi damb le duo ThouxAzun compausat de Guillaume Lopez e Clément Rousse. Les artistas escambièn damb les escolans a l’entorn de la musica tradicionala e de las musicas deu Monde, lor presentèn diferents instruments tradicionaus que botèn en scèna. Dins un esperit d’escambi e de transmission, les escolans cantèn tanben damb les artistas .
 
Qu’estoc, ende cada session, un moment ric en descobèrtas, en escambis e en convivialitat.
 
 
 
 
VL



 
fffff fffff
 Jornalet a l'escòla

Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.

 Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.

Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…
 
   

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article