Lo president francés, François Hollande, vòl redusir a zèro la creissença de la despensa militara entre 2014 e 2019, çò que menariá a una reduccion de 30 miliards d’èuros al budget de la defensa e un estalvi de gaireben 50% per rapòrt a la despensa d’ongan, qu’atenherà los 31,4 miliards d’èuros, es a dire 1,56% del PIB estatal, la chifra mai bassa de l’istòria e, al delà, la mai alonhada del 2% que recomanda l’OTAN. Lo debat e las negociacions an començat, e l’idèa del cap de l’Estat a generat de chepics e d’indignacion entre los militars e los expèrts, que parlan de “tsunami”, de “fin anonciada de la poténcia militara” e de “rompedura istorica”.
Mas l’austeritat comanda, e Hollande, qu’en aqueste moment manten aperaquí 6000 soldats en Mali e en Centreafrica, sembla decidit d’entreprene una reforma fòrça prigonda de las fòrças armadas.
Segon l’editorial de Le Monde de dimars passat, los dos scenaris de reduccions budgetàrias que prepausa lo president francés “amputarián grèvament” l’armada; las operacions, coma las que se debanan a l’ora d’ara, serián “impossiblas d’escometre dins cinc ans”, e França demorariá somesa “al parapluèja defensiu dels Estats Units”.
Las primièras chifras del plan d’estalvi se coneguèron pendent una reünion del Conselh de Defensa. Los responsables de l’armada vòlon rebaissar la proposicion del president a la mitat, per salvar almens 15 miliards en la nòva lei de budgets militars entre 2014 e 2019.
E mai se lo malèsser dins l’armada es enòrme, la reforma del budget militar comencèt en 2009, quand Nicolas Sarkozy decidiguèt de suprimir 54 000 militars entre 2009 e 2015. Mas lo plan economic s’es pas complit, e presenta uèi un deficit de 4 miliards d’èuros e un trauc de 45 miliards entre los crèdits e las comandas d’esquipament.
La presidenta de la Comission de Defensa de l’Assemblada Nacionala, Patricia Adam, afirmèt que se lo plan d’Hollande s’aprovava, 50 000 salariats del ministèri anarián al caumatge en 2015.
Lo plan a idèa de redusir a la mitat lo nombre d’avions de combat e las brigadas terrèstras, e tanben vòl daissar sus tèrra los grops aeronavals qu’acompanhan los pòrtavions. Çò que, segon Adam, permetriá solament de lançar una operacion militar a l’exterior amb 7000 òmes al pus mai.
La negociacion serà, solide, dura e passionanta, perque lo grand objectiu economic d’Hollande es d’arribar al deficit zèro en 2017, e a l’encòp de redusir lo deute e lo caumatge.
L’Estat francés consagra a l’ora d’ara 10% del sieu budget militar a las armas atomicas.
Mas l’austeritat comanda, e Hollande, qu’en aqueste moment manten aperaquí 6000 soldats en Mali e en Centreafrica, sembla decidit d’entreprene una reforma fòrça prigonda de las fòrças armadas.
Segon l’editorial de Le Monde de dimars passat, los dos scenaris de reduccions budgetàrias que prepausa lo president francés “amputarián grèvament” l’armada; las operacions, coma las que se debanan a l’ora d’ara, serián “impossiblas d’escometre dins cinc ans”, e França demorariá somesa “al parapluèja defensiu dels Estats Units”.
Las primièras chifras del plan d’estalvi se coneguèron pendent una reünion del Conselh de Defensa. Los responsables de l’armada vòlon rebaissar la proposicion del president a la mitat, per salvar almens 15 miliards en la nòva lei de budgets militars entre 2014 e 2019.
E mai se lo malèsser dins l’armada es enòrme, la reforma del budget militar comencèt en 2009, quand Nicolas Sarkozy decidiguèt de suprimir 54 000 militars entre 2009 e 2015. Mas lo plan economic s’es pas complit, e presenta uèi un deficit de 4 miliards d’èuros e un trauc de 45 miliards entre los crèdits e las comandas d’esquipament.
La presidenta de la Comission de Defensa de l’Assemblada Nacionala, Patricia Adam, afirmèt que se lo plan d’Hollande s’aprovava, 50 000 salariats del ministèri anarián al caumatge en 2015.
Lo plan a idèa de redusir a la mitat lo nombre d’avions de combat e las brigadas terrèstras, e tanben vòl daissar sus tèrra los grops aeronavals qu’acompanhan los pòrtavions. Çò que, segon Adam, permetriá solament de lançar una operacion militar a l’exterior amb 7000 òmes al pus mai.
La negociacion serà, solide, dura e passionanta, perque lo grand objectiu economic d’Hollande es d’arribar al deficit zèro en 2017, e a l’encòp de redusir lo deute e lo caumatge.
L’Estat francés consagra a l’ora d’ara 10% del sieu budget militar a las armas atomicas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Quora una industria es dangerosa (nucleari), inutila (una armada tròp bèla) o deficitària (caussisètz…) la cal barrar. Los emplegaires, pr'amor qu'i cal pensar, los cal formar, trabalharon endacòm mai.
Avem mai que mai besonh d'una armaa europèa.
I a plus besonh de defénder l'estat-nacion : còntra cu ? Los alemands (ò las veituras alemandas) ? Se i a de monde que pensa ancara ansin, son en retard d'una guerra...
non aquerò qu'ei dangeros pas sonque entà 'ra sécuritat deth pais mès sustot per eths emplecs ligats ar' industria militara que sera milliers de caumaires en mes que pensi qu'eths socialistas non saben pas a on van .
Redusir la despensa militara? Sabi pas cossí farà amb la mantenença de la françafrica! O belèu marcarà las despensas africanas sus un autre budgèt... Lengas regionalas africanas per exemple.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari