Lo jornal francés Le Figaroa publicat sa lista dels melhors licèus de França. Aquel trabalh s’es fach objectivament sus la basa de las donadas academicas publicadas pel Ministèri de l’Educacion. Lo resultat, per estonament general del quite jornal, es que lo melhor licèu de la Republica es lo licèu que l’associacion Diwan ten a Karaez-Plouger (Carhaix en francés). Cal remembrar que Diwan es una associacion d’escòlas qu’emplegan la lenga bretona coma lenga abituala d’ensenhament.
Aquel licèu, qu’es lo sol del ret Diwan, a un succès de 99% a l’espròva del bachelierat. Segon los paramètres del ministèri e segon lo perfil sòcioprofessional dels escolans, deuriá èsser de 91%, çò que demòstra qu’aquel licèu a una excellenta linha de trabalh al delà de la lenga emplegada. De mai, lo licèu exclutz pas los escolans mens competents per aver de bonas estatisticas, al contrari, los acompanha mai que mai cap al succès escolar.
Lo fach qu’una escòla en breton siá classada en primièr luòc, davant qualques prestigioses licèus de París, a fach l’efièch d’una docha freja suls sectors mai jacobins que proclaman que l’ensenhament dins las lengas minorizadas prejudícia lo progrès general dels escolans. Lo fach que la lista siá estada facha per un jornal coma Le Figaro, pas brica suspècte d’aver de simpatias amb aquelas lengas e culturas, los a estonats encara mai.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es la pròva que i a interés a generalizar lo breton coma lenga d'ensenhament en Occitània.
#3 Le Monde es lo jornal regional de l'Ile de France. Mai enlà del periferic, compren pas res a çò que passa.
Fa mestièr una descripcion de la pedagogia del Licèu. Lo bilinguisme es una donada, mès quid de l'organizacion dels ensenhaments quand sabem que Diwan a adoptat la pedagogia classica ? Fa mestièr per evaluar la pertinéncia de la pedagogia practicada en Calandreta.
Excellenta publicitat per les escòlas immersivas.
Sabi pas pel licèu Diwan, mas car servar en la ment que los licèus "d'elèit" (coma Louis-le Grand) fan partir o tot simplament fan pas dintrar los liceans que se pensan que capitaràn pas plan lor cursus escolar. E o fan a l'amagat. Sonque demòran los bons escolans. Aquò se sòna la seleccion.
Es una politica que França pratica cada jorn dins lo siu malhum de lucèu de l'estrangièr: Los liceans non-sobredotats son aconselhats d'anar veire çò que se passa dins las escòlas del país.
Es per la seleccion dels liceans que se destrian los bons licèus e los mens bons.
O caliá dire
sobretot que lo jacobin e conformista Le Monde o publiquèt pas ...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari