Actualitats
Protèsta occitanista a Carcassona pendent la vesita de Bartolone
De militants de l’EO faguèron lo parallelisme entre l’engatjament 56 del president francés, de ratificar la Carta de las Lengas Minorizadas, e l’an 1956 ont la cultura occitana patiguèt una granda torrada
Aqueste divendres 29 de març, lo president de l’Assemblada Nacionala, Claude Bartolone, èra de passatge a Carcassona per inaugurar un ostal de retirada, vesitar lo chantièr de l’espital novèl e tanben rescontrar los militants socialistas.
A l’intrada d’aquel rescontre, de membres de l’Institut d’Estudis Occitans d’Aude distribuiguèron de fuèlhs per denonciar lo renonciament de François Hollande pertocant la ratificacion de la Carta Europèa de las Lengas Regionalas o Minoritàrias. Lo tèxte fasiá lo parallèl entre aquel engatjament 56 e l’annada 56 on la cultura del País d’Òc patiguèt una granda torrada.
Lo president de l’Assemblada escambièt qualques mots amb los occitanistas, que portavan tanben doas pancartas: “E la ratificacion de la Carta Europèa de las Lengas?”, “Una lei per l’occitan e las lengas de França: lèu o per l’an pebre?”
S’acontentèt de dire qu’èra conscient de la question, mas que lo Conselh d’Estat s’èra prononciat en çò que concernís la lei sus l’educacion. E tirèt camin… Lo senator socialista audenc, En Courteau, indiquèt que desesperava pas d’emendar lo tèxte sus l’escòla al Senat.
IEO Aude
A l’intrada d’aquel rescontre, de membres de l’Institut d’Estudis Occitans d’Aude distribuiguèron de fuèlhs per denonciar lo renonciament de François Hollande pertocant la ratificacion de la Carta Europèa de las Lengas Regionalas o Minoritàrias. Lo tèxte fasiá lo parallèl entre aquel engatjament 56 e l’annada 56 on la cultura del País d’Òc patiguèt una granda torrada.
Lo president de l’Assemblada escambièt qualques mots amb los occitanistas, que portavan tanben doas pancartas: “E la ratificacion de la Carta Europèa de las Lengas?”, “Una lei per l’occitan e las lengas de França: lèu o per l’an pebre?”
S’acontentèt de dire qu’èra conscient de la question, mas que lo Conselh d’Estat s’èra prononciat en çò que concernís la lei sus l’educacion. E tirèt camin… Lo senator socialista audenc, En Courteau, indiquèt que desesperava pas d’emendar lo tèxte sus l’escòla al Senat.
IEO Aude
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lei declaraciens e respònsas de la politicalha ai demandas occitanas me fan pensar a bèu morcèu dau Còr de la Plana monte dián : "nautrei siam lei magicians de la manipòla"...
#4 I a un fum de jornals que dison "nacionals" e d'unis "de referéncia" que botan en primièra paja las nòvas regionalas de l'Ila de França. De còps, coma s'i trapa la capitala , concernís tot lo país. Mas cal reconéisser que li agrada de se gaitar lo monilh. L'accion de Carcassona, per nautres, es diferenta: es vital pels occitans de mostrar que podèm reagir, a Carcassona coma a Rodés. Que los jacobins de tota mena nos creguen pas en estat de mòrt clinica.
#12 Desolat per lo triple exemplari. Marrida manòbra.
#8 Soi un afogat del Jornalet perque es un jornal generalista. Comprèni plan vostra causida, mès demori un pauc reservat çaquelà.
#8 Soi un afogat del Jornalet perque es un jornal generalista. Comprèni plan vostra causida, mès demori un pauc reservat çaquelà.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari