Bandièra01 1180x150: Comuna de Tolosa

Actualitats

The New York Times a revelat l’existéncia d’un pont aerian secret per enviar d’armas als rebèls sirians amb l’ajuda de la CIA

| Freedom House

Lo jornal The New York Times a revelat l’existéncia d’un pont aerian secret per enviar d’armas als rebèls sirians, amb l’ajuda de la CIA. Qualques  govèrns i serián implicats. Qatar, Jordania o Croàcia o negan del temps que l’Arabia Saudita o Turquia ne vòlon pas parlar.


Segon lo jornal estatsunidenc, los dos primièrs avions cargats d’armas arribèron a Istambol en genièr de 2012. En octòbre, los vòls se debanèron gaireben cada jorn, en  se concentrar en un aeropòrt près d’Ankara. La majoritat provenián de Qatar, e los autres, de l’Arabia Saudita. Mas una tresena rota comença en Croàcia —ont los saudians crompan d’armas sobrantas de las guèrras balcanicas— e s’acaba en Jordania.
 
En total se calcula aperaquí 160 vòls e qualques 3500 tonas de material bellic. La CIA auriá ajudat a trobar las armas e a aconselhar quals son los grops rebèls mai idonèus per las recebre. E lo govèrn turc n’auriá supervisat l’operacion.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

pessemesse siverga 84400
3.

la politica americana dempuei la Bosnia es tiotjorn estada d'ajudar leis islamistes sunites e radicaus, vesi pas perqué ne cambariàn

  • 1
  • 0
Batko
2.

Vaquí, se un tipe avèva dit aquò sus un fòrom sus la telaranha, auré estat un "complotista qui vei la man de la CIA pertot", com dison a la telé.

  • 4
  • 0
Pirolet
1.

Çò que mai lor importa es far de dardenas en vendent d'armas. Ara, dins quinas mans acabaràn? Se'n foton! Sustot que se s'arman los islamistas alara caldrà equipar en armas los que lucharàn contra los islamistas...

  • 0
  • 0

Escriu un comentari sus aqueste article