Bandièra01 1180x150: Comuna de Tolosa

Actualitats

Lo patriotisme francés ataca Manuel Valls per èsser del Barça

Lo ministre francés de l’Interior, Manuel Valls, es estat fòrtament criticat per la drecha francesa per aver mostrat sas simpatias vèrs l’FC Barcelona. Lo ministre es catalan d’origina e un cosin de son paire compausèt l’imne de l’esquipa catalana de fotbòl. E mai s’es pauc favorable a las lengas mal nomenadas regionalas, Valls es estat criticat per manca de patriotisme francés.


De representants del Front Nacional e de l’UMP an criticat lo ministre francés de l’Interior, Manuel Valls, per aver manifestat lo sieu sosten al Barça davant las partidas de la Liga dels Campions contra lo París SG. Dins una entrevista a Le Journal du Dimanche, Manuel Valls explicava lo sieu barcelonisme e disiá que lo Barça representava “un sentiment plan fòrt que va al delà del fotbòl”. “Insuportable! Ont es lo patriotisme?”, çò disiá indignat Florian Philippot, vicepresident del Front Nacional, dins un comentari sus Twitter. “Es catalan, òm pòt comprene sa causida de còr. Mas o caliá pas far public”, çò diguèt.
 
Éric Domard, conselhièr dels espòrts de Marine Le Pen, critiquèt tanplan Valls. Per Domard es inacceptable que lo ministre considère que sas originas son mai catalanas que francesas.
 
Del sieu costat, Lionel Luca, deputat de l’UMP, diguèt sus son Twitter: “M. Valls sosten l’FC Barcelona contra lo PSG e oblida qu’es ministre al profièch de sas originas! Es son drech; mas se deviá calar!”
 
 
Manuel Valls i Gorina, compositor del Cant del Barça
 
L’afeccion de Manuel Valls, nascut a Barcelona, e sa relacion amb lo club de fotbòl van mai enlà. Valls remembrava dins l’entrevista a Le Journal du Dimanche qu’un cosin de son paire compausèt l’imne del club. “Quand èri petit, anavi al Camp Nou cada estiu. Foguèt tot un espectacle esportiu, amb Cruyff e Neeskens, lo títol de 1974. E lo sol endrech de revendicacion pendent la dictatura de Franco, qu’agonizava ja”, çò disiá lo ministre francés.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Estève Fontsòrbas
7.

País de mèrda !

  • 0
  • 1
Brissauda Banha cauda
6.

Es una subredicha nacionalista d'exclusion que vesem ara en França. Cal que ren depasse del tropèl. Va i aver quitament una caça a las mascas que son pas pron pro nacionalas ?

Lo monde parisenc dèu pensar que Manuel Valls a pas fach pron en rapòrt de sa posicion còntra las lengas occitanas, catalanas... Li cal ancara manjar francés, durmir francés, jugar francés, pensar francés, rotlar francés... Ont s'arrestaran aquels blocatges estequits dins lo "País dels dreches de l'Òme" ???

  • 0
  • 0
Estève Fontsòrbas
5.

País de mèrda !

  • 2
  • 1
Estève Fontsòrbas
4.

País de mèrda !

  • 3
  • 1
Maime Limòtges
3.

#2 Me sembla ben que si... Au mens en Espanha. Me sembla que reponguet a tota 'n'entrevuda en catalan.

  • 0
  • 0

Escriu un comentari sus aqueste article