Which side are you on? [De quin costat ès?] (1985) es un dels filmes mai polemics del director anglés Ken Loach. Sustot perque inquietèt prigondament Margaret Thatcher e son govèrn. S’agís d’un documentari qu’expausa las experiéncias dels menièrs en cauma e de lors familhas pendent la cauma de 1984 dins lo Reialme Unit, e o fa per mejan de las cançons e dels poèmas d’aquela protèsta. Lo filme se deviá emetre per la cadena ITV, mas foguèt censurat per aver, segon Thatcher, “una vision extrèmament parciala sus un afar controvertit”. Ça que la, s’emetèt mai tard, per Channel 4, quand foguèt premiat al Festenal Internacional de Cinèma de Berlin.
 
Sus YouTube se pòt veire lo documentari entièr, d’aperaquí una ora de durada.