Bandièra01 1180x150: Comuna de Tolosa

Actualitats

De borsas de 4000 èuros per venir professor de las escòlas bilingüas francés-occitan

Las borsas “Ensenhar” arriban gràcias a una convencion entre la Region Aquitània, 4 departaments e l’Acadèmia de Bordèu

| Phelyan Sanjoin
Los estudiants que voldràn seguir un mastèr d’ensenhament en occitan, que s’engatgen a ensenhar dins d’escòlas bilingüas, poiràn beneficiar d’una borsa de 4000 èuros per annada universitària.
 
Las borsas, nomenadas “Ensenhar”, las pòdon postular aqueles estudiants d’ensenhament bilingüe francés-occitan que se preparen dins los instituts universitaris de formacion dels mèstres (IUFM) de Tarba e Montalban, o ben dins lo centre de formacion Aprene de Besièrs.
 
Aquela borsa es lo fruch d’una convencion qu’an signada la Region Aquitània, 4 departaments d’aquela region e lo Rectorat de l’Acadèmia de Bordèu. Amb aquel acòrdi, las institucions s’engatjan a desvolopar cada annada l’ensenhament de l’occitan e en occitan.
 
Cal transmetre lo dorsièr de demanda de borsa “Ensenhar” a la Region Aquitània abans lo 29 de junh de 2013. Las audicions dels candidats se debanaràn del 8 al 12 de julhet.
 
Se trobarà mai d’entresenhas sul sit occitan.aquitaine.fre al numèro de telefòn +33 (0)5 57 57 86 66.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

BOURDON Pau
6.

#5 N'ei pas plan de denonciar mes puishqu'ac demandas... Que s'ageish de Lanas.

  • 1
  • 0
Joan
5.

Aquitania es composada de 5 departaments se'm sembla. Loquau a pas ratificat la convencion?

  • 1
  • 0
Felip Martèl Montpelhier
4.

#3 Aprene a Besiers, es per la filiera associativa Calandreta, que rachampa a Besiers de monde venguts d'un pauc pertot. Co que ne parlavo ieu, èra de borsas per lo mond lestes a ensenhar dins lo bilingue public a paritat dins l'academia de Montpelhier. Se tracha pas de concurréncia; mas de complementaritat.

  • 3
  • 0
Quid geografic Descentralizacion
3.

E Besièrs es en Aquitània ?

  • 0
  • 2
Felip Martèl Montpelhier
2.

Bona idèia, aquelas borsas. Solet problèma : chalria que n'i aguesse dins totas las regions. Entre las que las refusan coma Lengadoc-Rosselhon, e las qu'an finda pas l'idèia qu'existan, coma las dau nord, o las que juan gosta-soletas coma PACA amb son "provençau" pur e dur, las inegalitats fan que créisser suu territori occitan... Coma qué la regionalizacion es pas forçadament la panacea, s'es pas completaa per una coordinacion interregionala. Fai d'ans que l'esperam, mas l'episodi alsacian mostra ben que trespassar las frontieras establias es pas evident per los pichons poers locaus....

  • 6
  • 0

Escriu un comentari sus aqueste article