Bandièra01 1180x150: Comuna de Tolosa

Actualitats

Recòrd de potons pel catalan a Perpinhan

Aperaquí 8000 personas se potonegèron pel catalan ièr a Perpinhan dins un acte que l’organizèt lo Collectiu 2 d’Abril per la lenga catalana. L’eveniment convidava lo mond, tre 14h, a se potonejar dins las plaças del centre de la vila catalana per far visibla la lenga amb sos parlants.
 
Al delà dels potons, dins l’encastre de la “potonejada”, se debanèron mai d’actes en defensa de la lenga catalana coma d’animacions musicalas, de taulas d’informacion de las associacions e la preséncia de fòrça escrivans e fotografes per immortalizar l’eveniment. Los participants signèron tanben lo manifèst “Un drech, una lenga, una lei”.
 
L’acte foguèt organizat pel Collectiu 2 d’Abril, “nascut de la volontat de capvirar la logica republicana francesa fàcia a la politica lingüistica de l’estat”. Lo nom del collectiu fa referéncia a la data de l’edicte reial francés qu’enebiguèt, lo 2 d’abril de 1700, l’usatge oficial del catalan dins aquela partida de Catalonha somesa a França. Cal dire qu’aquel edicte es pas estat abolit mas reforçat amb l’article 2 de la constitucion, qu’especifica que “La lenga de la Republica es lo francés.”

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Berenguièr Palòu
4.

E subre l'image, s'agís ben de'N Gulhèm de Cabestany e de Na Serramond ?

  • 1
  • 0
Jòrdi Barcelona
3.

E foguèt vertadièirament polit! :)

  • 2
  • 0
En Doma Quartier dau Panier (çò que ne rèsta)
2.

Brau !

Patz e amor !

  • 1
  • 0
Pirolet
1.

Val mai de potons que de tancs e d'avions bombardièrs. Solament amb aquò se sap ont es la civilizacion e ont es la barbariá.

  • 3
  • 0

Escriu un comentari sus aqueste article