Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaArmanhacSavés

Rescontre dambe cantaires occitans au licèu de l’Isla de Baish

Alidé Sans
Alidé Sans | Juan Miguel Morales

Le divendres 19 d’abriu, les escolans deu licèu Josèp Savèrna de L’Isla de Baish (Savés) rescontraràn d’una ora e mièja a tres oras e mièja deu vrèspe daubuns cantaires occitans. Aquò se debanarà a la sala deus conselhs. L’idèa es botar fàcia d’eres les autors deus tèxtes qu’estúdian. Dambe la refòrma deu bac sembla donc essenciau de tornar a l’orau e de balhar vita aus cors.


Atau les escolans poiràn pausar questions e demandar precisions aus autors de las cançons que passaràn au bac. Es de notar qu’aqueres artistas venguen a gratis.
 
Venguerà le cantaire Eric Fraj, plan conegut dins le Tolosan. Eric Fraj a ja una longa carrièra pèique comencèc en 1971. Aquò es pas le cas d’Alidé Sans, joena cantaira aranesa de 19ans, que hè les sons prumèrs passes dins la cançon.
 
Alidé Sans se harà seguir autes musicians araneses deu grop Sin Hip Hop No Hay Crew
 
Parlaràn de la cançon que hascón en deceme passat sus las violéncias hèitas a las hemnas. En efèit, un an a, una mair de 32 ans que se moriscoc deus patacs deu son espós. Aqueste drama mobilisèc aqueres joens cantaires araneses. Hascón un videoclip ende denonciar las violéncias conjugalas dont son victimas las hemnas
 
L’originalitat deu rescontre veng deu hèit que la mesclanha de personas d’orizonts diferents mes tots units per la lenga occitana.
 
Les diferents cantaires an previst de cantar las òbras estudiadas en classa, mès benlèu tanben cançons occitanas de mès endeu plaser de tots. Aquera manifestacion gratuita es draubèrta a tots.
 
 
 
 
Nicolau Rei-Bèthvéder

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

bohaire77 L'Isla de Baish
5.

Felicitacions ende aquera iniciativa ! Hèr dintrar la cultura dins la classas es regde important.
Tota lenga es ligada a la cultura que la pòrta... en particular quora òm pòt aver artistas joens que hèn véser la sua actualitat e la sua vitalitat.

Felicitacions !


  • 3
  • 0
romegós gadaujac
4.

d'acòrdi, d'acòrdi. es lo ròtle de la premsa nacionala de parlar d'Artistas qu'an pas arren sortit, e tanpauc virat jamei.
ne'n vòli pas briga a Alidé, e dobti pas briga tanpauc de la soa qualitat. trapi juste curiós qu'un media nacionau suporti tant una Artista debutanta. com si lo sol hèit de cantar en occitan divossi daubrir las pòrtas shens nada rason mei.
vertat qu'après, aquò cambia de Nadau/Tisnèr/laTalvèra.

  • 2
  • 10
Rei Bèthvéder Nicolau Sent Lis
3.

Es çaquelà tarrible de demandar a una joena de 19 ans d'aver l'òbra hèita !
I a fòrça joens que cantan publicament en occitan ?
Seré pas meslèu le nòste díver de'us sosténguer que de seguir la mosca blua ?
Benlèu Alidé tenguerà pas las suas promèssas, mès end'ac sàber le cau dar una chança.
Son les mons escolans de l'Isla de Baish que cerquèn le contacte damb'era. Ei pas vengut de jo mès d'eres çò que pròva qu'aquera gojata aranesa, qu'a quasi le mèma atge qu'eres, ei pròcha deus liceans.
Nòti tanben qu'Alidé Sans, coma Eric Fraj, venguen gratuitament en hèr un bèth camin. Quins artistas hèn aquò au jorn d'auèi ?
Remèrqui enfin que l'inexperéncia relativa d'Alidé, que hasquèc dejà bères concèrts com ac nòta Ferriòl, gèina pas Eric Fraj dambe les sons 40ans de carrièra ende cantar damb'era !

  • 15
  • 2
Jornalet
2.

#1 Jornalet vos n'a parlat maites còps, e vos l'a facha ausir:

http://www.jornalet.com/nova/1149/esperanca-hip-hop-aranes-contra-era-violencia-machista

http://www.jornalet.com/video/239/barcelona-tv-aranesoc-inauguracion-deth-hestau-barnasants-en-vielha

  • 10
  • 0
romegós chenau de maupochet
1.

aquera Alide Sans me hè pensar au frances Webkidd. Sortit d'enlòc, shens jamei avossim entendut son chafre com cantaire, l'intelligentsia decidís de'n héser un succès. per principi, pas per qualitat artistica (pr'amor la qualitat, ne'n podem pas jutjar, estant que de produccion n'i a pas gaire).
benlèu seré plan de n'audir quauquarren avant la premsa comencèssi de'n hèser son buzz....

  • 3
  • 21

Escriu un comentari sus aqueste article