Bandièra01 capçalera  1180x150: Novestivada

Actualitats

Hcup: una finala 100% irlandesa

Pro D2: tres clubs gascons en luta per pujar

| Gil Calmon
H cup
 
Quina decepcion peus clarmontés dab aquesta des·hèita 15 a 19 a Bordèu contra lo Leinster. Poderem parlar de l'ensai mancat dens las darrèiras minutas mès cau véder la vertat en fàcia. Los objectius ne son pas los medishs per tots los participants de la H Cup. Las còlas irlandesas jogan  tota la sason sus aquesta competicion. En efeit la liga Celta on son tanben inscriuts clubs italians, galeses, esòceses n'a pas trop d'interès. En top 14 e en liga inglesa, n'es pas la medisha causa. Aquesta sason, post copa deu monde, es vertadierament trop long. Los clubs occitans tolosencs e clarmontes ne podèren pas jogar suus dus tablèus. 
 
Clarmont 15-19 Leinster
Ulster 22-19 Edinburgh
 
En Amlin Cup, la finala se jogarà enter lo Racing Club Tolonés e lo Biàrritz Pa ís Basco. Serà lo purmèir títol europeenc per lo vencedor de la competicion. Biàrritz pòt sauvar aquesta sason mau començada au moment de la copa deu monde, on participavan hòrt de jogaires de la còla de Biàrritz. Tolon es enqüera dens la corradura au Top 14, mès au nivèu fisic se troba aqueth moment dens lo roi. N'es pas la soa victòria contra l'equipe 1 bis de l'estadi francés qui tranquilizarà Mourad Boudjellal.
 
RCT 32-29 Estadi francès
BOPB 19-0 CA Briva
 
 
Pro D2

Dens lo derbi de l'Aude, Carcassona perdèt a casa la posssibilitat de jogar las fasas finaus. Dus cartons jaunes per Narbona n'empechèren pas aus iranges e negres de muishar que cau tostemps comptar dab eths.
 
Sustot que dens lo derbi de la Gasconha lo Mont de Marsan se sortit d'un maishant tracanard dab una victòria digna tamben d'un derbi 8-3 contra Aush. La pluja cadèt de la purmèira a la darrèira minuta. Quate punts que prenen una valòr rica en emocion la setmana on l'entrenaire Marc Dal Maso anuncièt qu'abandossi lo son poste.
 
Dacs a sabut profieitar deu calendari e de recéber Grenòble en plena comemoracion deu son títol de Pro D2. Cinc Punts que permeteishen aus landés d'esperar acabar dens los tres purmèirs.
Bona operacion per la Seccion Paulina dab cinc punts pres contra Oyonnax. Pau tornèt passar davant La Rochèla, plaça hòrt important dens l'amira de la recepcion dens l'encastre deus barratges. Que cau adara anar ganhar a Aush a la darrèira jornada.
 
La Rochèla, un còp de mei aquera sason n'a sabut pas har lo mestièr dab una des·hèita 31a 17 a Ais de Provença.
 
La setmana que vien lo Mont de Marsan jogarà una partida en retard a Bourgoin, sonque un objectiu préner au minimum dus punts.

Resultats:

Dacs 21-6 Grenòble
País d'Ais 31-17 la Rochèla
Besièrs 28-20 Orlhac
Bourgoin 47-18 Albi
Carcassona 6-12 Narbona
Lo Mont 8-3 Aush
Pau 28-12 Oyonnax
Tarba 32-26 Periguers
 
Classificacion

 EquipaPuntsJGRPBBpBcDif
1 FC Grenòble 105 29 22 1 6 15 715 354 361
2US Dacs 84 29 18 3 8 6 581 481 100
3S Pau 83 29 18 1 10 9 585 522 63
4 La Rochèla 81 29 18 0 11 9 653 528 125
5Estadi Montés 79 28 18 0 10 7 528 415 113
6US Carcassona 77 29 16 2 11 9 612 571 41
7Sc Albi 67 29 13 0 16 15 595 604 -9
8 US Oyonnax 64 29 13 1 15 10 571 583 -12
9FC Aush 64 29 14 1 14 6 475 540 -65
10País d'Ais 62 29 12 1 16 12 620 642 -22
11Tarba PR 60 29 13 0 16 8 532 611 -79
12RC Narbona M 59 29 12 0 17 11 532 626 -94
13 CS Bourgoin J 57 28 12 0 16 9 573 649 -76
14Estadi Orlhaqués 56 29 11 2 16 8 535 596 -61
15AS Besièrs H 45 29 9 0 20 9 454 626 -172
16Ca Periguers 37 29 6 0 23 13 477 675 -198



Eric Goyhenne

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Renaud Mamisan
1.

Interressant de legir aquò en gascon ! Chis per l'iniciativa e l'idèia !

  • 1
  • 0

Escriu un comentari sus aqueste article