Bandièra01 capçalera  1180x150: Novestivada

Actualitats

crotz-tolosaCreated with Sketch.GasconhaVal d'Aran

Era Val d'Aran qu'acuelherà eth campionat deth mon d'esquí de jornalistes 2015

| inthesitymad

Era estacion aranesa de Vaquèira que serà era anfitriona deth Campionat deth Mon d’Esquí de Jornalistes qu’aurà lòc en gèr de 2015. Era potenta candidatura  presentada amassa per Baqueira Beret, eth Conselh Generau d’Aran e era seccion espanhòla deth Ski Club International des Journalistes (SCIJ), qu'ei estada votada per unanimitat pera Assemblada Generau deth SCIJ celebrada en Mt Palandöken (Turquia), en transcors dera amassada corresponenta ath 59 Campionat deth Mon de Jornalistes.
 


Era delegacion espanhòla qu'a agut de superar eth dificil escuèlh dera estacion arpitana de Méribel, qu’en 2015 acuelherà es finaus dera Copa deth Mon dera Federacion Internacionau d'Esquí (FIS), e que volie refortilhar era sua imatge damb era preséncia des 225 jornalistes que participen abituauments en sòn campionat pròpri. Es arpitans que retirèren era sua candidatura pr’amor des nombrosi supòrts qu’auie artenhut era estacion de Baqueira Beret, que gaudirà d’aguest eveniment per tresau viatge ena sua istòria. Era candidatura aranesa que siguec votada per aclamacion, sense cap de vòt en contra.
 
Era equipa espanhòla que se desplacèc tà Mt Palandöken damb un petit nombre jornalistes esquiaires que, totun, s’apropèren ath pòdium enes diuèrses competicions. Es mielhors resultats que sigueren eth quatau lòc en Slalom Gegant de Cris Gibert (Barcelona TV) ena categoria Junior Femenina, e er ueitau lòc ena disciplina de Hons de Jaume Castell (La Guia del Esquiador/Telepirineus.cat) ena categoria Super Senior.
 
Aguest campionat que se debane toti es ans e qu'amasse a jornalistes esquiaires de mès de cinquanta païsi. Eth pròplèu an s’amiarà a tèrme en La Zuita (en italian Civetta) enes Dolomites, e en 2014 era Arpitània suïssa qu’acuelherà aguest eveniment mediatic en Champéry, un an abans qu'arribe tàs pistes araneses en 2015.

Ferriòl Macip
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

test
3.

╭∩╮¯\_(ツ)_/¯ ☺ ☹ ☻ ㋡ ㋛

  • 0
  • 0
test
2.

Test ☻☹

  • 0
  • 0
test
1.

  • 0
  • 0

Escriu un comentari sus aqueste article