Actualitats
An arrestat los joves bascos protegits per una paret umana
La polícia basca ataquèt l’Aske Gunea pendent doas oras e mièja per arrestar los acusats d’èsser de membres de Segi
La polícia basca arrestèt dijòus passat sièis dels uèch joves de Sant Sebastian protegits dempuèi qualques jorns per una paret umana, nomenada l’Aske Gunea (l’Espaci de Libertat). Los agents de la polícia escartèron pendent d’oras los centenats d’integrants de la paret umana, ont i aviá un senator d’Amaiur, e arribèron fin finala al centre per arrestar los joves.
Los integrants de la paret umana se tenguèron en una actitud de resisténcia passiva mentre que cantavan de cançons. Qualques unes an denonciat d’agressions de la polícia al moment d’èsser retirats. La majoritat dels resistents solidaris son estats identificats per la polícia.
Aquela paret umana aviá ja evitat en doas escasenças la detencion dels joves, que son acusats d’èsser membres de l’organizacion Segi, un movement politic de joves illegalizat en 2002 e que lo govèrn espanhòl considèra terrorista.
Los integrants de la paret umana se tenguèron en una actitud de resisténcia passiva mentre que cantavan de cançons. Qualques unes an denonciat d’agressions de la polícia al moment d’èsser retirats. La majoritat dels resistents solidaris son estats identificats per la polícia.
Aquela paret umana aviá ja evitat en doas escasenças la detencion dels joves, que son acusats d’èsser membres de l’organizacion Segi, un movement politic de joves illegalizat en 2002 e que lo govèrn espanhòl considèra terrorista.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Non cau pas desbrembar que ETA a deishat eras armas, donc se SEGI ei vertaderament eth pesquèr de ETA, qu'avore a desaparéisher tanben e eth estat espanhòu a deishar córrer mes era sua justícia d'excepcion de qui a botada en pormor d'aqueth pretèxte, mès non, que s'i arrapa coma un can dab un òs en pormor era virada democratica en Bascoat non hè pas eth sué ahèr, dejà que dab eths catalans, que i a bèth temps-a de qu'an perdut era batèsta deras opinions, que'us cau continuar de hèr créger ath terrorisme quan non i ei mes tà balhar-se ua legitimitat e manténguer ena pòu eth monde espaventat !
#1 Los govèrns espanhòl e francés que se petaçan fòrt plan e que s'i endevenon coma laires pel fieral per far desaparéisser lengas, pòbles e nacions, dignitats civilizacionalas son plan terroristas que non pas un grop supausat ligat a l'aramada de resisténcia a l'occupacion d'Euskadi a mand de sepsausar la armas en escambi d'un dialòg dobèrt, leial, respectuós e que cap dels dos erradicators de pòbles ne vòl pas ausir parlar…
qu'ei ua bona causa ,SEGI qu'ei eth peisquèr de ETA brica de pietat entaths terroristas .tots embarrats en preson .
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari