Lo president de Walt Disney Studios, Alan Horn, a anonciat que sa companhiá sortirà un filme basat sus l’univèrs Star Wars, cada an, entre 2015 e 2019. Dins l’encastre del CinemaCon, l’amassada annala de l’Associacion Nacionala de Proprietaris de Salas de Cinèma, Horn a explicat que los títols de la nòva trilogia s’intercalaràn amb dos filmes independents centrats sus de personatges de la saga.
Se sabiá fins ara que lo primièr filme de la nòva trilogia, que serà lo seten episòdi d’Star Wars, se projectarà per lo primièr còp en 2015 e que lo dirigirà lo creator de la sèria Lost, J.J. Abrams. Horn a anonciat que los episòdis ochen e noven arribaràn al grand ecran, respectivament, en 2017 e 2019. Aquela trilogia, coma o confirmèt George Lucas, aurà la preséncia d’Harrison Ford, Carrie Fisher e Mark Hamill, protagonistas del primièr filme d’Star Wars.
De mai, pendent los ans 2016 e 2018, veiràn la lutz doas produccions que viraràn a l’entorn de la vida de qualque personatge dels filmes. E mai se Disney a pas encara dich quals seràn los protagonistas, de rumors visan Han Solo e Mèstre Yoda.
La saga Star Wars comencèt en 1977 amb Un Espèr Nòu, dirigit per George Lucas, lo creator d’un dels fenomèns amb mai de succès dins l’istòria del cinèma. Pendent los ans seguents, sortiguèron L’Empèri Contrataca (1980) e Lo Retorn del Jedi (1983).
Per explicar los faches precedents, Lucas rodèt una segonda trilogia formada per La Menaça Fantauma (1999), L’Atac dels Clòns (2002) e La Venjança dels Siths (2005). De mai, l’an 2008, Lucasfilm ne produsiguèt per la television la sèria d’animacion.
Dempuèi octòbre passat, Disney contraròtla la franquesa Star Wars en avent crompat l’ostal de produccion Lucasfilm per 4 miliards de dolars.
Se sabiá fins ara que lo primièr filme de la nòva trilogia, que serà lo seten episòdi d’Star Wars, se projectarà per lo primièr còp en 2015 e que lo dirigirà lo creator de la sèria Lost, J.J. Abrams. Horn a anonciat que los episòdis ochen e noven arribaràn al grand ecran, respectivament, en 2017 e 2019. Aquela trilogia, coma o confirmèt George Lucas, aurà la preséncia d’Harrison Ford, Carrie Fisher e Mark Hamill, protagonistas del primièr filme d’Star Wars.
De mai, pendent los ans 2016 e 2018, veiràn la lutz doas produccions que viraràn a l’entorn de la vida de qualque personatge dels filmes. E mai se Disney a pas encara dich quals seràn los protagonistas, de rumors visan Han Solo e Mèstre Yoda.
La saga Star Wars comencèt en 1977 amb Un Espèr Nòu, dirigit per George Lucas, lo creator d’un dels fenomèns amb mai de succès dins l’istòria del cinèma. Pendent los ans seguents, sortiguèron L’Empèri Contrataca (1980) e Lo Retorn del Jedi (1983).
Per explicar los faches precedents, Lucas rodèt una segonda trilogia formada per La Menaça Fantauma (1999), L’Atac dels Clòns (2002) e La Venjança dels Siths (2005). De mai, l’an 2008, Lucasfilm ne produsiguèt per la television la sèria d’animacion.
Dempuèi octòbre passat, Disney contraròtla la franquesa Star Wars en avent crompat l’ostal de produccion Lucasfilm per 4 miliards de dolars.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
tant que fasèm la guèrra dins lei galaxias, la fem pas dins nostra planeta que se rescaufa, coma dison e pretendon lei partisans de la força tranquila, mentre que ieu constati qu'aquest ivèrn se siam gelats lei tibis, mai aquo cambia ren au dogme e tot sarà perfiech quand projetaràn aquelei filmes dins lei exo-planetas a descurbir
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari