Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc BasCarcassés

Los escolans d'occitan prepausan d'animacions a Carcassona sus la vida de la vila e de la societat

| Guilhèm Sevilla

En aquesta debuta de mai, las escòlas bilinguas de Carcassona prepausan d'animacions interessantas e dobèrtas sus la vida de la vila e de la societat.


Atal, a l’escòla primària publica Berthelot (que doas de sas classas son bilengas occitan-francés) se tendrà aqueste divendres 4 de mai una jornada interculturala ont, de matin e de vèspre, en seguida de trabalhs menats en classa, los mainatges poiràn seguir talhièrs dins mantunas lengas: alemand, anglés, arabi, francés, occitan, lengas de Novèla Caledonia e percussions d’Africa, lenga dels signes.
 
En serada, l’umorista Andrieu Clamenç dirà sas Relucadas (20h30; Centre social de Grasalhas). Per sa part, lo dijòus 10 e lo divendres 11 de mai, la Calandreta de Ciutat coordonarà un còp de mai activitats per la Fèsta de la Natura (jol nom local d’Al Grand Prat de Ciutat) en proposant a totes los escolans de la vila e de l’aglomeracion de Carcassona de talhièrs, en partenariat amb d’associacions ecologicas o non: plantas, insèctes, abelhas, aucèls, aiga, òrts, contes,…
 
Las activitats se debanaràn tanplan a Ciutat coma dins los locals novèls de l’Escòla de Puèg Marin ont los calandrons meton en plaça un vergièr, preparan una senda botanica, an dobèrt una ostalariá pels insèctes e un espaci-refugi pels aucèls.
 
 
Alan Roch

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article