Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

Eth Conselh Generau d’Aran e Lengua Viua an celebrat Sant Jòrdi damb era lectura de tèxtes en aranés

| CGA
Eth Conselh Generau d’Aran e eth collectiu Lengua Viua an organizat ua lectura de tèxtes en aranés entà celebrar Sant Jòrdi, er acte ei estat ena plaça deth Conselh, a on es mainatges de 5au de primària dera Escòla Garona de Vielha an liejut era òbra Es montanhes de Nargüic, de Noemí Jaquet, basada ena istòria d’Eisharc Jaquet.
 
Ath delà, es adults an liejut era Querimònia, damb motiu dera celebracion deth sòn 700 aniversari.
 
Tanben i a agut ua mòstra de materiau en aranés publicat peth Conselh Generau d’Aran e s’a hèt ua tòia de quauqui lòts de libres aufridi pes Departaments de Politica Lingüistica e de Cultura deth Conselh e d’aute materiau de promocion de Lengua Viua e der Archiu Generau d’Aran.
 
En tot acabar es lectures, s’a dat a conéisher eth dessenh guanhador dera samarreta dera edicion d’enguan dera Corsa Aran per sa Lengua. Eth guanhador a estat Pep Casasayas, e eth dessenh se pòt campar en facebook: Lengua Viua.
 
Es actes an compdat damb era assisténcia deth vicesindic prumèr deth Conselh Generau d’Aran, Luís Carlos Medina e deth cap de Cultura e Patrimòni, Jèp de Montoya.
 
Tanben entà hestejar Sant Jòrdi, er Ajuntament de Vielha e Mijaran a organizat un mercat d’artesans aranèsi, pendent tot eth dia enes pòrges der Ajuntament en Vielha.
 
 
 
 
Conselh Generau d’Aran

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

XcT
3.

#2 Amb una remarca aital, i a de que te passar l'enveja de s'interessar a quin dialecte que siá de l'occitan, non ?
Per que se cal far just sul còp del premier còp, i aurà pauques candidats...

  • 0
  • 0
Mongeta Tarba
2.

#1 Dongues, crompa-te dus bons metòdes: un d'aranés, l'aute de lengadocian orientau e estúdia es dus damb esfòrç e atencion (particularament es conjugasons). Ja vederàs, te sentiràs de mès en mès occitan dempús.

  • 0
  • 0
Lo Clapàs
1.

Òsca als araneses !
Quora liege aquels tipes de novèlas me sente de mai en mai aranés !

  • 4
  • 0

Escriu un comentari sus aqueste article