Actualitats
De gròssas perturbacions ferroviàrias entre Tolosa e Bordèu per l’Ascension
La segonda fasa de las òbras se farà la dimenjada de Pentacosta
Cap de TGV circularà pas entre las doas vilas a causa d’òbras sus d’elements d’agulhatge. Lo TÈR foncionarà entre Lengon e Agen. Un servici d’autobús remplaçarà los trens.
La circulacion de trens entre Tolosa e Bordèu serà fòrça perturbada entre lo 8 e lo 12 de mai. RFF e l’SNCF procediràn per remplaçar d’elements d’agulhatge suls camins de fèrre entre las doas vilas occitanas.
Alavetz, de dimècres a dimenge de matin, cap de TGV foncionarà pas entre Tolosa e Bordèu, e lo tren de transpòrt exprès regional (TÈR) foncionarà entre Lengon e Agen. Los autres trajèctes seràn remplaçats per d’autobuses.
Las connexions interciutats Niça-Marselha e Tolosa-Bordèu seràn tanplan considerablament redusidas. Circularà sonque un tren per jorn entre Marselha e Marmanda, e vicevèrsa.
Aqueles trabalhs s’inserisson dins un plan d’investiment de 9 milions d’èuros destinats al remplaçament de 21 aparelhs de via.
Los trabalhs mai essencials de la segonda fasa d’aquel plan se metràn en òbra pendent la dimenjada de Pentacosta, del 18 a 20 de mai, e durant divèrsas nuèches al començament de junh.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari