Miquèl Decòr signa un recuèlh novèl de poèmas: La camèla blanca. Dins lo setantenat de poèmas tirats d’un quasèrn ros (tengut de 2007 a 2010), trapam las tematicas que travèrsan l’òbra tota de l’autor: la natura, l’amor, las guèrras, la lenga.. e tanben sos luòcs de còr: Menerbés, las Espanhas e Africa del Nòrd.
"Jos la luna palla de Menèrba, dire son si" coma ba fasiá lo Leon Còrdas. Atal, sus las doas ribas de la Mar nòstra, teis los fials d’un improbable retorn al temps d’Al-Andalus ont l‘escota dels autres ven enrequiment de cadun e non sorga de confrontacions estèrlas.
La camèla blanca, presenta dins dos tèxtes, es aquí coma simbòl d’un animal imaginari que transformariá al cap del camin nòstres sòmis en realitats viscudas:
"Tirar cap a l’asuèlh
Lo solelh dins los uèlhs
E romegar los sòmis
D’un país sens parièr.
"Mas quals sèm?"
Los passes se’n van dins lotemps
L’aiga corrís dessús la sabla"
Urosament, un agach, una scèna de la vida vidanta… venon sul pic sorga d’inspiracion pel poèta que s’esfòrça de "semenar contra lo vent" e de "Faire nàisser lo jorn / Dins un esquiç de nuèit."
DECÒR, Miquèl. La camèla blanca. IEO-Vendémias 2012. 32 paginas. ISBN: 978-2-85910-503-7. Prètz: 10 €.
Se pòt comandar a l'IEO-Aude
BP 105 11022-Carcassona Cedex
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari