Bandièra01 1180x150: País Invisible

Actualitats

Descobrir lo “pentagòn” (
I)

Catalonha: “Les meues universitats” de Joan Daniel Bezsonoff


Joan Daniel Bezsonoff
Joan Daniel Bezsonoff | Quim Puig

Descobrir lo “pentagòn” es una rubrica culturala del conjunt civilizacional: Aragon, Païses Catalans, Occitània, Arpitània, Païses Retocisalpins.


Sovent s’ausís del rosselhonés Joan Daniel Bezsonoff qu’es lo “mai occitan dels escriveires catalans”. Aquesta referéncia es deguda per una part a la granda afeccion e coneissença de l’autor per la matèria occitana en general, provençala e lengadociana en particular que la siá pròsa n’es claufida, e per autra part a l’accion del sius libres que mantun còps se passa en tèrra occitana.
 
Aprèp la parucion de “Una educació francesa“ en Bezsonoff, dins lo segond volum de çò que serà una trilogia, relata los sius estudis superiors en Occitània, al Licèu Masséna de Niça, en classa de Khâgne. Dins aquesta institucion elitista e classica, lo jove Joan Daniel aquesirà una cultura umanista solida e segura. Plan solide, l’environament estudiantin, cultural e lingüistic de Niça, lo benesit aire del temps estudiantin seràn per el l’autre penjal de la siá formacion d’òme.
 
Aqueste libre magnific es coma un valat de montanha: un rajal d’aiga jove e clara sus una dralha de  calhaus intemporals. Amb un estile precís que nos dintra tot dreit dins l’arma, l’autor nos fa cabussar dins l’univèrs de la malenconiá (la melangia coma el l’anomena) del temps de la jovença, de las grandas esperanças, de la leugeretat. Legir aqueste libre es far un viatge al dintre de las nòstras capacitats de nos esmòure del temps passat, e quitament del nòstre temps passat. A travèrs los sovenirs de l’escriveire, tornarem trapar los nòstres quitis sovenirs: “En aquel temps, los estudiants encara coneissiam lo latin e lo grèc. Escotàvem disques de vinil e caissetas. Cap de sabent fòl aviá pas encara inventat la sida. Per trucar a l’ostal, caliá dintrar dins una cabina amb un molon de monedas. Viviam amb un bonaür malencòni, un romantisme tardièr e aimàvem los calabruns, la companhiá dels àngels, los creissents del matin, los jornals plens de tinta, las liquors italianas, las cançons de Frank Sinatra. Aimàvem la vida e la vida nos correspondiá.”.
 
En tot descriure unas lescas de bonaür lo libre ne donarà al legeire una brava part en li rementar, coma o escriu en Bezsonoff, aquesta pensada que cadun a conegut: “Era feliç i no ho sabia”.

 
 
 
 
Terric Lausa
 
 
 
_____
BEZSONOFF, Joan Daniel. Les meues universitats. Ed.  L’avenç,  2012. 176 paginas


Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Agustí Salas i Rolland Barcelona
4.

Una cordial felicitació per a reunir a tots els que no parlem "idiomes oficials "!!

Salut !!

Agustí

  • 3
  • 0
babasoquian Babasoc (Nissa vielha)
3.

A l'evocacion dau licèu Massèna, me fa recordar li miu estudis... que sio passat parier entre aqueli muralhas mítiqui.

  • 4
  • 0
Joan-Carles Martí i Casanova Elx (País Valencià, Països Catalans)
2.

Gràcies Terric per aquesta ressenya breu, ponderada i ben resolta.

Joan-Daniel és un escriptoràs. També és el més valencià dels autors rossellonesos i no tan sols el més occità. És aquesta qualitat hiperperifèrica que el fa, alhora, universal perquè, sense oblidar-se del seu entorn, se'ns presenta com a home culte i, sobretot, lúcid. La seua prosa és meditada i mesurada. Hi ha un treball d'excel·lència que trobem a mancar, sovint, a aquesta banda dels Pirineus on s'ecriu molt però es revisa poc o no tot el que caldria. Potser, i tan sols potser, no tot és dolent 'marrit' a l'educació francesa. Jo mateix la vaig haver de patir uns anys d'infantesa. Hauria de ser, això sí, més occitana, més catalana, més bretona, més alsaciana, més corsa, més ...

Jo, d'Elx estant, vaig dir la meua a la revista literària NÚVOL on vaig fer una ressenya. Si algú la vol llegir aquí la teniu: http://www.nuvol.com/opinio/les-meues-universitats-joan-danile-bezsonoff/

  • 10
  • 0
pessamessa siverga 84400
1.

l'imatge sus la cubèrta dau libre es aquela de l'autor o ben aquela de Luis Mariano? mai belèu que Besanzonfo (ortografia non garantida) èra pas pron vielh, coma ieu per apreciar e criticar lo cantaire que sorrisià de longa coma lo niais de mon vilatge... coma que ne sià, vaquita una obratge autobiografic que legirai ambé plaser, deurrià ésser lo pensum obligat de totei leis escrivan d'oc, aqui au mens li trobariam quauqueis indicacions preciosas per de qué an escrich d'obras que lei tres quarts dau temps son intemporalas...

  • 3
  • 0

Escriu un comentari sus aqueste article