Bandièra01 1180x150: Comuna de Tolosa

Actualitats

Letta a acceptat la comanda de far un nòu govèrn per Itàlia

A prepausat un “govèrn de servici” mas a avertit qu’o farà pas “a quin prètz que siá”

Enrico Letta, lo segond del Partit Democratic (PD) italian, a acceptat la carga comandada pel president de la Republica, Giorgio Napolitano, de far un nòu govèrn. O a fach amb de resèrvas, e a avertit que lo nòu executiu naisseriá pas “a quin prètz que siá”. Dins una conferéncia de premsa, après s’amassar amb Napolitano, Letta declarèt que s’agiriá d’un “govèrn de servici al país” e qu’auriá un “programa amb qualques objectius fòrça precises”. De fach, las reünions amb los partits politics comencèron ja ièr.
 
Napolitano a demandat de far lo govèrn a Letta après aver mal capitat, en seguida dels comicis, de formar una coalicion amb lo cap del PD, Pier Luigi Bersani, qu’a demissionat ara. Letta, que foguèt membre del govèrn de Romano Prodi, a lo sosten del sieu partit e tanben del Pòble de la Libertat de Silvio Berlusconi.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

entraiguin
1.

Chal esperar qu'Itàlia donarà un pauc mai de fòrça a la legislacion favorabla a la decentralisacion en general e a la decentralisacion lingüistica e culturala en particular (fòra de las autonomia regionalas istoricas d'Aòsta, Tiròl e Sardenha).
Es gaire liat a l'info aquesta, mas malgrat que sieie tot bèl sus lo papíer, dins la realitat, paucas causas avànçan positivament per la transmission culturala. L'estandardisacion lingüistica contunha per exemplhe

  • 2
  • 0

Escriu un comentari sus aqueste article