Qualques deputats chavistas e qualques d’opausants se lancèron a còps de ponh los unes suls autres quand se despleguèt una granda bandieròla dins la sala, que disiá “Còp d’estat al parlament”. La portavan de deputats de l’oposicion.
 
Ça que la, l’origina de la batèsta es pas gaire clara perque lo parlament a suspendut la retransmission en dirècte e ara los unes e los autres s’acusan de l’aver començada.
 
Sembla que lo president de l’Assemblada, Diosdado Cabello, daissèt pas parlar los que reconeissián pas Nicolás Maduro coma president de Veneçuèla; e es alavetz que se despleguèt la pancarta. Las imatges de la baralha son estats enregistrats amb los telefòns mobils de qualques deputats.