Actualitats
La primièra escòla mairala en galèc, “privada e populara”
An presentat en Galícia la primièra escòla del projècte Galiza co Galego, un ensag de recuperar l’educacion veïculara dins la lenga pròpria de Galícia dempuèi que lo PP l’a tirada
L’estiu de 2010 se presentèt publicament a Compostèla lo projècte Galiza co Galego (Galícia amb lo galèc). En partent del drech dels enfants d’aver una educacion en galèc, se fixèt l’objectiu de promòure un ret “privat e popular”, e non lucratiu, d’escòlas mairalas que donen l’educacion exclusivament en galèc. Avoaescola Ferrolterra es lo primièr centre del ret, adreiçat als enfants fins a sièis ans, e se presentèt dimècres passat a Fene (Galícia).
L’escòla cooperativa de Ferrolterra, doncas, es la primièra que sorgís de la plataforma Galiza co Galego, ont s’amassan las entitats pedagogicas Nova Escola Galega e Asociación Socio-Pedagóxica Galega, en mai de l’Asociación de Escritores e Escritoras en Lingua Galega: vòlon bastir un ret d’escòlas infantilas parallèl al public e que garentisca tanben un ensenhament veïcular en galèc.
Fins ara cobrissián aquela linha pedagogica las escòlas nomenadas Galescolas, impulsadas pendent lo govèrn bipartit del PSDG e del BNG (socialistas e esquèrra galeguista). Mas quand lo Partit Popular (PP) tornèt al poder, en 2009, lo programa de las Galescolas foguèt remplaçat pel ret Galiña Azul, qu’assegura pas l’ensenhament de la lenga als mai petits.
Los promotors de Galiza co Galego considèran que, dempuèi que lo PP govèrna tornarmai, s’es comés “un atac brutal” contra la lenga, que los a obligats d’impulsar un sistèma educatiu “laïc, pluralista, democratic, de valors e de qualitat”, amb lo galèc coma lenga veïculara.
Lo modèl d’immersion es semblable al de las Calandretas que dempuèi de decennis fonciona en Occitània, o tanben al las escòlas Bressola del nòrd de Catalonha, al de Seaska dins lo nòrd del Bascoat o al de Diwan en Bretanha.
Semente a Compostèla
Cal dire que, en defòra de l’encastre de Galiza co Galego, a Compostèla se dobriguèt fa ja dos ans l’escòla Semente, impulsada pel centre social A Gentalha do Pichel. A l’ora d’ara, compta amb un vintenat d’enfants escolarizats e seguís un modèl d’immersion lingüistica e monolingüe en galèc, amb una especiala atencion a la nòrma reïntegracionista de la lenga galaïcoportuguesa (es la nòrma comuna del galèc e del portugués, distinta de la nòrma espanholizada e oficiala del galèc).
L’escòla cooperativa de Ferrolterra, doncas, es la primièra que sorgís de la plataforma Galiza co Galego, ont s’amassan las entitats pedagogicas Nova Escola Galega e Asociación Socio-Pedagóxica Galega, en mai de l’Asociación de Escritores e Escritoras en Lingua Galega: vòlon bastir un ret d’escòlas infantilas parallèl al public e que garentisca tanben un ensenhament veïcular en galèc.
Fins ara cobrissián aquela linha pedagogica las escòlas nomenadas Galescolas, impulsadas pendent lo govèrn bipartit del PSDG e del BNG (socialistas e esquèrra galeguista). Mas quand lo Partit Popular (PP) tornèt al poder, en 2009, lo programa de las Galescolas foguèt remplaçat pel ret Galiña Azul, qu’assegura pas l’ensenhament de la lenga als mai petits.
Los promotors de Galiza co Galego considèran que, dempuèi que lo PP govèrna tornarmai, s’es comés “un atac brutal” contra la lenga, que los a obligats d’impulsar un sistèma educatiu “laïc, pluralista, democratic, de valors e de qualitat”, amb lo galèc coma lenga veïculara.
Lo modèl d’immersion es semblable al de las Calandretas que dempuèi de decennis fonciona en Occitània, o tanben al las escòlas Bressola del nòrd de Catalonha, al de Seaska dins lo nòrd del Bascoat o al de Diwan en Bretanha.
Semente a Compostèla
Cal dire que, en defòra de l’encastre de Galiza co Galego, a Compostèla se dobriguèt fa ja dos ans l’escòla Semente, impulsada pel centre social A Gentalha do Pichel. A l’ora d’ara, compta amb un vintenat d’enfants escolarizats e seguís un modèl d’immersion lingüistica e monolingüe en galèc, amb una especiala atencion a la nòrma reïntegracionista de la lenga galaïcoportuguesa (es la nòrma comuna del galèc e del portugués, distinta de la nòrma espanholizada e oficiala del galèc).
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Pertot lo PP, un còp au poder, que mia politicas oscurantistas contra las lengas. Non i a guaire, las Balears... Aqueths au mensh ne pòden pas díser que los nacionalistas que son los autes :(
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari