Bandièra01 1180x150: Comuna de Tolosa

Actualitats

La Luna se veirà mai granda e mai brilhanta aqueste dissabte

Deman la Luna plena serà al perigèu e se veirà 14% mai granda e 30% mai brilhanta

| John K

Deman dissabte la Luna serà al perigèu, es a dire a la distància mai corta amb la Tèrra. La lusor del nòstre satellit serà de 30% mai qu'a las autras lunas plenas de 2012. La distància entre la Tèrra e la Luna se redusirà gaireben a 357.000 Km (la mejana es de 384.000 Km), e l'astre se veirà 14% mai grand.


Dissabte la Luna serà al perigèu, es a dire a la distància mai corta amb la Tèrra. La lusor del nòstre satellit serà de 30% de mai qu'a las autras lunas plenas de 2012. La distància entre la Tèrra e la Luna se redusirà gaireben a 357 000 Km (la mejana es de 384 000 Km), e l'astre se veirà 14% mai grand.
 
Aqueste dissabte 5 de mai, la Luna serà a la distància mai corta amb la Tèrra, es a dire al perigèu, e lo 28 de novembre de 2012, la luna plena coïncidirà amb l'apogèu, la distància mai alonhada. L'orbita de la Luna es pas completament circulara, e es per aquò que i a de moments de maximal alonhament e de moments de maximala proximitat. La diferéncia entre los dos moments es aperaquí de 3%. 
 
Aquò aurà d'efièches sus la Tèrra, mai que mai sus las marèas, que sián las nautas o las bassas, doncas la luna al perigèu aumentarà la siá fòrça.
 
Se volèm observar e fotografiar la Luna vista amb la siá talha maximala, cal profechar del moment de la siá sortida o del sieu tremont. L'atmosfèra qu'envolopa la Tèrra produsís un efièch excellent que fa veire los objèctes mai grands. 
 
Se t'agrada de far de fòtos, manda-nos los tieus imatges a la redaccion de Jornalet e diga-nos en quin endrech as presa la fòto. Publicarem las fòtos mai polidas d'aquela Luna.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
1.

E òc! Èra plan polida la luna aquesta nuèit! Malurosament i a tanben lo caumatge que creis, e la fortuna dels rics. Per veire se a partir de deman començam de faire mai que "demesir la creissença del caumatge" (UMP lenga de fusta dixit)!

  • 0
  • 0

Escriu un comentari sus aqueste article