Bandièra01 1180x150: Comuna de Tolosa

Actualitats

Trooper, la cervesa d’Iron Maiden

An començat distribuir dins l’UE una bièrra pròpria del grop d’heavy metal anglés

La coneguda banda anglesa d’heavy metal, Iron Maiden, a mes a la venta una cervesa pròpria, la Trooper, qu’adòpta lo nom d’una sas cançons mai conegudas. Amb 4,7% d’alcoòl, es estada inventada per Bruce Dickinson, lo cantaire del grop, amb l’ajuda de la veterana societat cervesièra Robinsons.
 
La Trooper se distribuís a l’ora d’ara dins los païses de l’Union Europèa, se pòt crompar en linha e tre dijòus passat se pòt tanben tastar dins un trentenat de pubs d’Anglatèrra e lo País de Galas.
 
Al delà de cantaire e cervesièr, Bruce Dickinson es pilòt d’avion. Es el lo que pilòta l’Ed Force One, lo Boeing privat dels Iron Maiden.




_____
Iron Maiden: The Trooper



Iron Maiden: Montsegur

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

garric
2.

Dins l'estile artista multicarta, fa mièlhs que Till Lindemann, lo cantaire de Rammstein, campion de natacion, pirotecnician, actor e ... panieraire.

  • 4
  • 0
Cedric de Radio Occitania Tolosa
1.

Ahhhhh una nòva que far plazer de legir (non pas qu'eri pas al fial, en bon afogat de metal e subretot de la "Virga de Ferre" eri ja assabentat de la sortida de la cervesa "The Trooper". Mas far plazer de legir nòva atau en lenga nòstra).

Pichona precision : al de lai de cervesier e pilòt d'avion (o pusleu gestionari d'una societat d'avions privats) Paul Bruce "Air Raid Siren" Dickinson es un òme confle de talent, licenciat d'istòria, es tanben un espadier de trilha (manquet mantunes còps de representar Inglaterra als J.O en escrima), un escenarista (sinhet un film sus Aleister Crowley que se dit "The Chemical Wedding"), un escrivan, un animator de radio e a lèu 55 ans (los tendra en agost) demora una de las mai granda votz del Heavy Metal...
Up The Irons m/

  • 5
  • 0

Escriu un comentari sus aqueste article