Bandièra01 1180x150: Comuna de Tolosa

Actualitats

Piget Prod e Dètz organizan de castings a Pau e Bordèu

Son a cercar de comediants e cronicaires occitanofòns per divèrses projèctes de cinèma e television

Après la session organizada al mes de març a Tolosa e Montpelhièr, que foguèt una brava reüssida, Piget Prod e lo collectiu Dètz organizan una segonda session de casting a Bordèu lo dissabte 1r de junh e a Pau lo dimenge 2 de junh.
 
Se cèrca de perfils de tot tipe, la sola condicion es d’èsser occitanofòn.
 
Amb aqueles castings vòlon trobar d’actors per las diferentas accions que menan Piget Prod e lo collectiu Dètz. Entre d’autres, Piget Prod rodarà en agost un cortmetratge de ficcion tirat d’una novèla de Julien Campredon e una sèria de 3 còps 52 minutas es en cors d’escritura e lèu se realizarà. Al delà, Dètz cèrca de comediants e de cronicaires per de projèctes divèrses.
 
Se prepausarà los contactes dels comediants occitanofòns als professionals de l’audiovisual sòcis de la futura television web occitana.
 
Se mandarà un cort monològ e un extrach de scèna als candidats e los caldrà aprene lo melhor possible.
 
La remuneracion dels comediants es prevista dins las ficcions realizadas per Piget Prod.
 
Se fa las inscripcions per e-mail unicament a Valentin Belhome. Cal enviar lo nom d’ostal, lo prenom, una fòto, l’atge e lo nivèl de lenga en occitan. Avaloraràn tanben d’autras competéncias eventualas coma lo cant, la dança, las lengas estrangièras, etc. Se comunicarà lo luòc exacte del casting e l’ora de passatge dels candidats après que se serà mandat las informacions demandadas.
 
 
 
Valentin Belhomme

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article