Actualitats
Georges Moustaki es mòrt
Lo cantaire grèc nascut en Alexàndria d’Egipte èra un emblèma de la cançon universala
Lo musician e cantaire Iosif Mustacchi, conegut internacionalament coma Georges Moustaki, filh de josieus grècs e de lenga italiana, moriguèt ièr dijòus, a 79 ans, a Niça, ont viviá dempuèi qualques meses. Defuntèt d’una malautiá respiratòria.
Moustaki es un dels grands noms de la cançon francesa e universala. Compausèt de cançons coma Le métèque, Le facteur, La mer m’a donné, Ma solitude o Le temps de vivre, que son vengudas de pèças istoricas explicant l’evolucion de la musica e de la societat. Amorós de la granda Edith Piaf, escriguèt per ela Milord.
Faguèt son darrièr concèrt a Barcelona fa tres ans.
Moustaki es un dels grands noms de la cançon francesa e universala. Compausèt de cançons coma Le métèque, Le facteur, La mer m’a donné, Ma solitude o Le temps de vivre, que son vengudas de pèças istoricas explicant l’evolucion de la musica e de la societat. Amorós de la granda Edith Piaf, escriguèt per ela Milord.
Faguèt son darrièr concèrt a Barcelona fa tres ans.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Dins lo programa "El convidat", na Marina Rossell fa una visita al Moustaki.
Un moment de granda emocion
https://www.youtube.com/watch?v=TvggIljfqdU
Pensavi qu'èra mòrt au mèsme temps que Charles Aznavour...
Òsca a l'Alan Roch per aquesta plan polida revirada
LO METÈC
Amb mon morre de metèc, de josiu romiu, de pastre grèc
E mos pelses als quatre vents
Amb mos uèlhs tot deslavats que me balhan l’aire de somiar,
Ieu que sòmi pas sovent
Amb mas mans de pilhard, de musicaire e de rabalaire,
Qu’an panat dins tant d’òrts
Amb ma boca qu’a begut, potonat e mossegat
Sens jamai assadolar sa talent
Amb mon morre de metèc, de josiu romiu, de pastre grèc
De panaire e de barrutlaire
Amb ma pèl que s’es fretada al solelh de totes los estius
E de tot çò que portava cotilhon..
Amb mon còr qu’a sauput faire patir coma a patit
Sens pr’aquò faire d’istòrias
Amb mon arma que li demorà cap d’esper de salut
Per desfugir lo purgatòri
Amb mon morre de metèc, de josiu romiu, de pastre grèc
E mos pelses als quatre vents
Vendrai ma doça captiva, mon arma sòrre, ma font viva
Vendrai beure tos vint ans
E serai prince de sang, somiaire o tanplan jovenòt,
Coma t’agradarà de causir
E farem de cada jorn, tota una eternitat d’amor
Que viurem a ne morir
E farem de cada jorn, tota una eternitat d’amor
Que viurem a ne morir
Adieu l'artista !
En catalan, la Marina Rossell a fait un espectacle e un CD Moustaki.
en occitan ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari