Actualitats
Primièr referendum sus la reünificacion d’Irlanda
92% an votat per la reünificacion d’Irlanda, dins lo primièr d’una seguida de referendums populars per demandar la reünificacion del país. L’iniciativa s’es inspirada de las consultas popularas per l’independéncia de Catalonha
Quinze ans après los Acòrdis de Divendres Sant, que preveson que se pòsca far un referendum d’autodeterminacion jos cèrtas condicions, an començat en Irlanda de far una seguida de referendums populars per avançar cap a la convocacion oficiala.
Dissabte passat se debanèt lo primièr referendum popular, inspirat de las consultas sus l’independéncia de Catalonha. Lo vòte se faguèt dins las comunautats de Crois Mhic Lionnáin [Crossmaglen] e Chreagain Uachtair [Creggan Upper], separadas a l’ora d’ara per la frontièra politica. Lo resultat foguèt net e clar: 92% dels vòtes foguèron favorables a la reünificacion d’Irlanda e 7,3% opausats. La participacion foguèt de 42%, una chifra mai nauta que çò abitual en Irlanda.
Crois Mhic Lionnáin [Crossmaglen] e Chreagain Uachtair [Creggan Upper] son doas municipalitats que sentisson plan los efièches de la frontièra amb dos sistèmas educatius, dos sistèmas sanitaris, doas monedas, doas politicas d’impòstes... Pendent tot lo jorn, los abitants mai vièlhs de setze ans podián respondre a la question seguenta: “Irlanda se deuriá reünificar?”
Aqueles referendums son impulsats per la societat civila, jos la campanha “United Ireland-You Decide: A People’s Referendum” (Irlanda unida-tu decidisses: un referendum popular), amb l’intencion d’activar lo debat sus l’unificacion de l’illa. La campanha explica als ciutadans la clausula dels Acòrdis de Divendres Sant que consagra la possibilitat de convocar un referendum.
La consulta de dissabte es solament lo primièr pas de l’iniciativa United Ireland-You Decide, que prevei mai de referendums per la geografia irlandesa pendent la tardor e l’an que ven.
Dissabte passat se debanèt lo primièr referendum popular, inspirat de las consultas sus l’independéncia de Catalonha. Lo vòte se faguèt dins las comunautats de Crois Mhic Lionnáin [Crossmaglen] e Chreagain Uachtair [Creggan Upper], separadas a l’ora d’ara per la frontièra politica. Lo resultat foguèt net e clar: 92% dels vòtes foguèron favorables a la reünificacion d’Irlanda e 7,3% opausats. La participacion foguèt de 42%, una chifra mai nauta que çò abitual en Irlanda.
Crois Mhic Lionnáin [Crossmaglen] e Chreagain Uachtair [Creggan Upper] son doas municipalitats que sentisson plan los efièches de la frontièra amb dos sistèmas educatius, dos sistèmas sanitaris, doas monedas, doas politicas d’impòstes... Pendent tot lo jorn, los abitants mai vièlhs de setze ans podián respondre a la question seguenta: “Irlanda se deuriá reünificar?”
Aqueles referendums son impulsats per la societat civila, jos la campanha “United Ireland-You Decide: A People’s Referendum” (Irlanda unida-tu decidisses: un referendum popular), amb l’intencion d’activar lo debat sus l’unificacion de l’illa. La campanha explica als ciutadans la clausula dels Acòrdis de Divendres Sant que consagra la possibilitat de convocar un referendum.
La consulta de dissabte es solament lo primièr pas de l’iniciativa United Ireland-You Decide, que prevei mai de referendums per la geografia irlandesa pendent la tardor e l’an que ven.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los referéndums, be sabem los capulats çò que’n hèn — quitament los oficiaus (e a fortiòri los informaus). Quan la responsa e’us agrada, que disen «Ja vedetz !» e se’us agrada pas, que hèn com qui n’a pas entenut arren.
Çaquelà, be poderé estar ua manièra entà hà’ns ausir, en avisà’s plan a la question pausada.
#2 Una idea es d'a cavar...
#1 S'agisse d'un referendum d'iniciativa populara... Ren nos empacha de faire parier...
e benlèu qu'un jorn aurem un referendom sus l'unificacion d'Occitània ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari