Bandièra01 1180x150: Comuna de Tolosa

Actualitats

Castèlnòu d’Arri: an suprimit 240 emplecs a Spanghero

| AFP
La nòva que temián los salariats d’Spanghero arribèt ièr dimars. A la sortida d’un comitat d’entrepresa excepcional, l’administrator judiciari anoncièt als representants dels salariats la supression de 240 emplecs dins l’entrepresa de Castèlnòu d’Arri, al còr de l’escandal de la carn de caval.
 
Se va dobrir lèu un plan de salvament de l’emplec en tot esperar qu’una part del personal poiriá tornar. De fach, l’administrator a concedit un retard suplementari d’una setmana per permetre de melhorar dos projèctes de recuperacion. Un d’aqueles plans es estat elaborat pels salariats, e l’autre per l’ancian proprietari Laurent Spanghero, amb lo concors d’almens un investidor.
 
Ça que la, aqueles dos plans preveson sonque una recuperacion parciala de l’activitat, que se concentrariá als plats cosinats e a la transformacion de la carn. Dins lo primièr cas se salvariá 60 emplecs e dins l’autre se’n salvariá 100.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Aquò rai
1.

Aquò rai pr'amor que d'autres escandals ambe la carn de caval arribaràn endacòm mai. Lo problèma serà desplaçat fin finala. Mas çò segur, d'autres emplegats seràn licenciats. Elis tanben son colhonats dins aquel afar. Ne sèm pas qu'a la debuta de l'escandal. Pr'amor qu'aquel biais de far ambe la carn de caval deu existir dins d'autras societats. O sabèm pas tot encara ...

  • 3
  • 0

Escriu un comentari sus aqueste article