Bandièra01 1180x150: Comuna de Tolosa

Actualitats

Suècia: doas setmanas de violéncias

Fa doas setmanas que se debanan d’incidents grèus dins las banlègas d’Estocòlme e d’autras vilas de Suècia. Cada jorn se debanan d’atacs e d’incendis contra de veïculs e de bastissas publicas coma d’escòlas, de bibliotècas, de botigas e quitament de comissariats de polícia.
 
Los incidents comencèron a Husby, una banlèga d’Estocòlme ont 85% de la populacion es immigranta, e se descadenèron quand la polícia tuèt un vesin de 69 ans d’origina portuguesa.
 
Fins a la dimenjada passada, los incidents se son multiplicats e sembla que la polícia comence de los poder contrarotlar.
 
De grops d’entre 50 e 200 ultradrechans ne profièchan per sortir cada nuèch e atacar d’immigrants, e ansin provòcan mai d’incidents.
 
La causa es complèxa, mas cal soslinhar, en primièr luòc, la creissença accelerada de las inegalitats socialas dins una societat qu’èra la mai coesionada d’Euròpa e qu’aviá pas brica de caumatge juvenil. E cal tanben soslinhar que l’extrèma drecha profiècha de la question de l’immigracion.
 
Lo Ministèri de las Relacions Exterioras britanic e l’ambaissada dels Estats Units a Estocòlme an cridat lors ciutadans a evitar las zònas caudas de la capitala suedesa.
 
Aquela violéncia a dobèrt un debat en Suècia sus l’integracion dels immigrants, que representan aperaquí 15% de la populacion, que se concentran dins los quartièrs paures de las grandas vilas del país e qu’an un indèx de caumatge mai elevat.
 
Un rapòrt recent de l’Organizacion per la Cooperacion e lo Desvolopament Economic (OCDE) avertissiá qu’en Suècia, las diferéncias entre paures e rics s’èran agrandidas mai que dins tot autre estat europèu, entre 1995 e 2010.


Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Mano Chau La Coronha
5.

"Esperando la ultima ola"…

  • 1
  • 0
Pirolet
4.

Qual a legit Hennig Mankel sap que Suècia es pas l'imatge que n'avèm.

  • 1
  • 0
Robèrt Lauragués
3.

#1 de leiçon de tolerància d'aqueles que toleran pas los omosexuals

  • 6
  • 0
ròdrigò bigòrra
2.

Pessamessa, que sòi d'accòrd dab tu,era tua analisa qu'ei era bona, qu'as completament arrason

  • 4
  • 2
pessamessa siverga
1.

la creissénça deis inegalitats socialas ? l'extrema drecha totjorn que mai incriminada ? non, ei simplament que l'immigracion incontrolada que ven de pais onte regna una religion obscurantista, intoleranta e agressiva, produtz de meteis fenomenas en Sueda , en França o alhors,ambe un complèxe d'inferioritat impulsiu, non se podon integrar e portan aut lo flambèu d'Allah en cremant escolas e veituras e to aquo s'acabarà dins la guerra santa

  • 5
  • 7

Escriu un comentari sus aqueste article