Actualitats
Mónegue farà d’electricitat amb l’energia produsida pels veïculs en circulacion
Un primièr assag de recuperacion d’energia produsida per de veïculs en circulacion se realizarà al començament d’aqueste mes de junh, amb l’insercion dins la cauçada de captadors e de generadors. L’energia nòva se crearà mercés als passatges dels veïculs e s’emmagazinarà dins de batariás qu’alimentaràn, sustot, un panèl de senhalizacion e un esclairatge de seguretat.
Es un procediment desvolopat per la societat Green Heart Monaco, especializada dins aquela nòva tecnologia, que permet de transformar los desplaçaments en fonts d’energia neta e renovelabla.
Aquel experiment, que se mena en cooperacion amb la Direccion de l’Amainatjament Urban e que recep lo sosten de la Fondacion Prince Albèrt II de Mónegue, se realizarà sus l’Avenguda Princessa Gràcia, sus una porcion d’un vintenat de mètres davant lo Musèu Nacional, e dins l’encastre de la refeccion dels revestiments, los 5 e 6 junh que venon.
Alavetz, dimècres que ven, tre 21h00, l’avenguda se barrarà a tota circulacion dins lo sens de Ròcabruna cap a Mónegue, entre lo Carrieron Emmanuel Gonzales e lo Giratòri del Portier. Lo darrièr autobús passarà a 21h05. Lo Carrieron Sant Joan se barrarà a la circulacion dins la nuèch del 6 al 7 de junh.
Es un procediment desvolopat per la societat Green Heart Monaco, especializada dins aquela nòva tecnologia, que permet de transformar los desplaçaments en fonts d’energia neta e renovelabla.
Aquel experiment, que se mena en cooperacion amb la Direccion de l’Amainatjament Urban e que recep lo sosten de la Fondacion Prince Albèrt II de Mónegue, se realizarà sus l’Avenguda Princessa Gràcia, sus una porcion d’un vintenat de mètres davant lo Musèu Nacional, e dins l’encastre de la refeccion dels revestiments, los 5 e 6 junh que venon.
Alavetz, dimècres que ven, tre 21h00, l’avenguda se barrarà a tota circulacion dins lo sens de Ròcabruna cap a Mónegue, entre lo Carrieron Emmanuel Gonzales e lo Giratòri del Portier. Lo darrièr autobús passarà a 21h05. Lo Carrieron Sant Joan se barrarà a la circulacion dins la nuèch del 6 al 7 de junh.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
De veïculs? An pensat a la bicicleta ai país d'Albèrt l'ecologista?
Sabèvan pas de qu'èra impossible… e qu'ac hesón.
Plaçariam un daquòs a la rocada de Tolosa e poiriam barrar Golfuèg
Plaçariam un daquòs a la rocada de Tolosa e poiriam barrar Golfuèg
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari