CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimècres, 17 de julhet

Actualitats

Diluns, 3 de junh de 2013, 03h00 Societat,Politica,Internacional

Espanha a empedit a quinze scientifics kosovars d’assistir a un congrès a Barcelona

Lor a refusat lo visat perque son de ciutadans d’un estat non reconegut. Espanha s’entèsta a reconéisser pas Kosova perque “crei pas a las declaracions unilateralas d’independéncia”


Comentaris 2 comentaris    
Marrit Flac Bon Plan bon Fabulós (9 vòtes)
carregant En cargar


Palais de congrèsses de Barcelona





Etiquetas
anestesistas, congrès europèu danestesiologia, espanha, kosova, scientifics

Lo govèrn espanhòl a pas permés a quinze anestesistas kosovars de participar, la dimenjada passada, al Congrès Europèu d’Anestesiologia que se debanèt a Barcelona e que i participèron sièis mila professionals d’estats d’Euròpa tota e d’endacòm mai. Los visats per intrar dins l’estat espanhòl se demandèron a l’ambaissada espanhòla a Skopje (Macedònia), que los refusèt. Ni la Societat Europèa d’Anestesiologia, nimai la Societat Catalana, capitèron pas que la consolessa espanhòla permetèsse als cercaires de participar al congrès. Pr’amor qu’Espanha reconeis pas Kosova, permet pas d’intrar als ciutadans kosovars, levat dins de cases extraordinaris.
 
Lo president de la Societat Catalana d’Anestesiologia, Jaume Canet, explicava al jornal catalan Vilaweb que “fa un mes e mièg, la Societat Europèa d’Anestesiologia, qu’es a Brussèlas, me demandèt se podiam far quicòm dempuèi aicí perque i aviá quinze anestesistas kosovars qu’èran inscriches al congrès e qu’avián demandat lo visat per intrar dins l’estat espanhòl, mas òm los refusèt.”
 
Faguèron la demanda a l’ambaissada espanhòla d’Skopje pr’amor qu’es l’ambaissada mai prèpa. Après lo refús, la societat europèa s’adreicèt a l’ambaissada qualques còps amb una letra que disiá qu’aquelas gents anavan participar a un congrès scientific en de datas concretas, qu’avián ja lo finançament per i anar e que l’inscripcion èra facha. Mas l’ambaissada contunhèt de refusar lo visat. “Quand eles m’o diguèron, decidiguèrem de telefonar personalament nosautres a l’ambaissada espanhòla en Macedònia”, çò disiá Canet, qu’explicava que faguèt la gestion amb la presidenta del comitat local d’anestesia. “Ela parlèt amb la consolessa espanhòla. Li diguèt que podián pas donar los visats perque se complissiá pas cap dels requisits per los donar, que son tres: per de rasons umanitàrias, per l’interès d’Espanha o per lo compliment de qualque afar oficial”.
 
“Insistiguèrem qu’èra un congrès scientific. E diguèron qu’o poirián solament far s’avián l’òrdre dirècte del Ministèri dels Afars Estrangièrs de Madrid. A títol individual faguèrem un contacte amb lo ministèri mas pendent tot aquel temps avèm pas agut cap de responsa. Doncas, aqueles quinze anestesistas an perdut l’argent de l’inscripcion e de tot, e vendràn pas”, çò apondiá Canet.
 
De son costat, la Societat Espanhòla d’Anestesia diguèt que l’afar èra pas dins sas obligacions e preferiguèron s’i engatjar pas.
 
Canet contava a Vilaweb que la societat europèa es fòrtament estonada per l’actitud de l’ambaissada espanhòla. “Los de la Societat Europèa d’Anestesiologia son estonats, perque malgrat que comprengan que i a un problèma en Espanha, pensavan qu’aquò deviá pas afectar una activitat scientifica”.
 
Espanha s’entèsta a reconéisser pas Kosova perque segon lo president espanhòl, Mariano Rajoy, “crei pas a las declaracions unilateralas d’independéncia”. Aital Espanha ensaja d’evitar una declaracion unilaterala d’independéncia prevista pel Parlament de Catalonha se totes los ensages de convocar un referendum en favor son frustrats.



publicitat
BANER1-2-3: DGPL TRADUCTOR



Comentaris

3 de junh 20.14h

Imaginatz un d'aqueles bedigasses del PP -o del PSOE tanplan- que, en viatjant, aja besonh d'ésser operat en urgéncia dins un espital, metem centreuropèu, ont a-n-aquel moment i a pas qu'un anestesista kosovar. Se daissariá morir per pas que lo tòque un ciutadan d'un estat non reconegut? E benlèu s'en trapariá qualqu'un de pro extremista per aquò de "genio y figura, hasta la sepultura".


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

3 de junh 11.28h

L'Empèri còntra la sciéncia.
De mielhs en mielhs en Espanha. La "defensa de l'Empèri" fai talament virar la tèsta que dona de reaccions de mai en mai ridiculas...


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Una data negra

Es lo 14 de julhet e los franceses festejan lor fèsta nacionala.  De fach, gaireben totes los païses del Mond festejan un jorn nacional. E mai la majoritat sián pas de nacions mas ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

giny

Vidèos

Entrevista

giny

giny

publicitat

lateral 2 teveoc

Fotografias

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • © Franc Bardòu

    Tresaurs andorrans

  • © Franc Bardòu

    Catalonha etèrna

  • © Laurenç Revèst

    Fòrt Maginòt de Sant Anhe

  • © Miquèu Barís

    Los calandrons d'Auloron qu'an visitat Baiona

  • © AR

    Vila d'Usès e lo pont de Gardon

  • © Franc Bardòu

    País Bordalés

  • @ Lisa Gròs

    De ruscas

  • Agaits occitans sus Barcelona. © Franc Bardòu

    Agaits occitans sus Barcelona

  • © Laurenç Revèst

    Lengue a Mentan

  • Fòto de Pascau Sebat

    Cauma generau, Tolosa 5 de febrièr de 2018

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • Champsaurinòt. Sap de Chalendas a La Forèst Sant Julian

    Concors de preseps, betlèms o grépias

  • © Zep Armentano

    Era Mongetada (Val d'Aran 28-29 d'octobre 2017)

  • Irissa: prumèra edicion dera corsa populara de BTT

  • © Laurenç Revèst

    Vista de Nimes, lengadociana per l'istòria, provençala per lo dialècte

  • © Adriana Díaz

    Canas 2019

  • © Laurenç Revèst

    Menton, 'a vivaroalpenca maritima

  • © Franc Bardòu

    Asuèlhs de Lauragués

  • © Aure Séguier

    Carnaval Biarnés 2017

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Per ti, lo 14 de julhet...


25%



30%



43%



1%




Vots 115 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)