CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Diluns, 16 de setembre

Actualitats

Divendres, 7 de junh de 2013, 03h00 Politica,Lenga

L’Assemblada francesa a reconegut las “lengas regionalas” e l’ensenhament bilingüe a l’escòla

An aprovat l’article 27 bis del projècte de lei de reforma de l’escòla, sens cap de mençon a l’immersion lingüistica


Comentaris 6 comentaris    
Marrit Flac Bon Plan bon Fabulós (5 vòtes)
carregant En cargar


L’Assemblada Nacionala francesa a aprovat en segonda lectura l’article 27 bis del projècte de lei de reforma de l’escòla, que consagra la reconeissença dins lo sistèma educatiu estatal de las mal nomenadas “lengas regionalas” coma l’alsacian, lo basco, lo breton, lo catalan, los còrs e l’occitan. Es lo primièr còp qu’una lei explicita clarament l’ensenhament bilingüe del francés e de las lengas pròprias de cada territòri dins l’educacion, pr’amor que la lei de 2005 conteniá qu’una mençon sus la possibilitat de las ensenhar a partir d’acòrdis signats amb las regions.
 
Lo nòu tèxt legislatiu mençona tanben que cal favorir aquel ensenhament e que las familhas recebrián d’informacion sus las diferentas ofèrtas d’aprendissatge.
 
L’article, que foguèt aprovat en primièra lectura per l’Assemblada, recebèt en la segonda de nombrosas modificacions dels senators. Ça que la, introdusís dins la lei l’ensenhament bilingüe, e dins Còde de l’Educacion la reconeissença d’aquelas lengas coma elements del “patrimòni de França”. S’i explica tanben las solas doas manièras que se pòt far efectiu aquel ensenhament de las lengas e de las culturas, e dins aquelas meteissas lengas, dobèrt a totas las matèrias de primièr e de segond gra.
 
Alà Baylac Ferrer, vicepresident de l’associacion per l’ensenhament del catalan APLEC, disiá dins lo jornal catalan Vilaweb que l’aprobacion d’aquel article es positiva perque intègra pel primièr còp dins la lei d’educacion l’idèa de l’ensenhament bilingüe. Pasmens Ferrer exprimís de dobtes sus cossí se desvoloparà e s’aplicarà.
 
Del sieu costat, lo deputat breton de l’UMP Marc Le Fur a criticat que i aja pas cap de referéncia explicita al metòde de l’immersion lingüistica, aplicat per de rets d’escòlas associativas coma la Bressola al nòrd de Catalonha, las Calandretas en Occitània, las Diwan en Bretanha e Seaska al nòrd del Bascoat. Pasmens, considèra que l’article aprovat portarà pas cap de “progrès concret”.
 
Lo conselhièr regional occitan David Grosclaude (PÒC) a preferit parlar de vòte istoric e a soslinhat qu’en aquela lei “trobam ua avançada en favor de las lengas ditas «regionaus» maugrat que demòren hòrt de causas a har entà aver ua vertadèra politica lingüistica publica”. Segon Grosclaude, en votant la lei sus la reforma de l’escòla, los deputats an adoptat un tèxt que legaliza fin finala l’ensenhament bilingüe e que permet a las lengas dichas regionalas d’intrar de manièra clara dins la lei. Lo conselhièr gascon parla d’una victòria collectiva, “deu tribalh hèit per senators e deputats de totas las regions pertocadas e de partits diferents”. Ça que la, es necessari “enqüèra de’s mobilizar per d’autas iniciativas pertocant la preséncia de las lengas aus mèdias e en la vita publica”.



publicitat
BANER1-2-3: DGPL DICTADES



Comentaris

10 de junh 16.16h

Un afar mal partida e donc que valoriza aital «l'avançada»... dins aquel camp avèm los plega-esquinas de l'occitnaisme, FELCO, OCBI, POC, PNO, e sobretot una granda majoritat de professors de l'occitanisme (n'i a tròp !).
«J'avance et je recule mais comment veux-tu que je t'encule !» Es aquò en resumit ! Devèm jogar encara e encara an aquel jòc ?
Avèm Deixonne votat per 15 deputats en 1954 (redaccion per tres militants socialistas e occitanistas - mas cap ensenhament universitari ne ... Legir mai


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

8 de junh 15.09h

Veire tanben lo comunicat de la FELCO sus son siti.
Suu fons : es un afaire que, a la debuta, èra pron mau partit : la version iniciala dau texte laissava completament en defora las lengas de França. En premiera lectura a l'assemblaa, de deputats avian fach ço que chalia per que l'i aguesse quauque ren sus las lengas, mas après intervencion dau raportaire e dau ministèri, aqueu quauque ren èra devengut pas satisfasent, per pas dire mai. Los debats au Senat an permés de corregir lo tir, e... Legir mai


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

7 de junh 18.12h

Quant de postes d'OC aurèm au CAPES ?


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

7 de junh 13.18h

#2 E devem causir ? O podem aver los dus ? (Ua lenga de societat ensenhada de com cau… coma tota lenga ?)


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

7 de junh 11.44h

L'occitan, lenga d'ensenhament a l'escòla ? Sens rire !?
Que lo sabiam ja, i a ren de nòu. Los deputats an fach que nomenar ce que se fa ja dins la practica de l'ensenhament, de l'escòla bilenga de Niça e Cuèrs fins al Bearn...

La vera question es de saber :
- volem que l'occitan demòre una "lenga escolara", una lenga de cultura sabenta per ensenhar coma lo latin e lo grègo ?
- ò volem que la lenga occitana continue de viure dins la societat (en mitan urban coma rural) coma lenga nor... Legir mai


Valoriza aqueste comentari:   votar positiu 9   votar negatiu 1
Respondre comentari replica Comentari inadeqüat   Formulari d'abús de comentari

7 de junh 08.33h

Se se cal regaudir qu'una abançada es pas una recuolada, alara òc nos podem regaudir e los que se son investits per qu'aqueste article siá votat meritan d'èsser mercejats.

Aprèp cal examaninar çò que nos ne devem regaudir. E aquí, cal èsser onèste, l'article aqueste non pòrta pas res de nòu: son unas simplas frasòtas narrativas que descrivon çò que se fa dempuèi d'annadas sens portar res de nòu. Es doncas un article totalement cosmetic e de segur electoralista.

Aqueste artic... Legir mai


Valoriza aqueste comentari:   votar positiu 11   votar negatiu 1
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 18
  • sol Aush 17
  • sol Bordèu 19
  • sol Briançon 16
  • sol Caors 17
  • sol Carcassona 16
  • sol Clarmont-Ferrand 17
  • sol Confolent 16
  • sol Gap 16
  • sol La Canau 20
  • sol La Gàrdia 17
  • sol Limòtges 18
  • sol Lo Borg Sant Dalmatz 19
  • sol Lo Puèi de Velai 16
  • sol Marselha 19
  • sol Montpelhièr 18
  • sol Naut Aran 16
  • sol Niça 20
  • sol Nimes 18
  • sol Pau 18
  • sol Peireguers 17
  • sol Rodés 19
  • sol Tolon 20
  • sol Tolosa 17
  • sol Valença 17

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Laurenç Revèst

    Castelar

  • © Franc Bardòu

    Catalonha etèrna

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • Asuèlhs comengeses. © Franc Bardòu

    Asuèlhs Comengeses

  • © Franc Bardòu

    Tèrra albigesa

  • País de Rasés. © Franc Bardòu

    País de Rasés

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Laurenç Revèst

    Las Cevènas, Barjac en Val de Cese

  • Lo grand passacarrièra de Rodés. Occitan Pride 2013

  • © Laurenç Revèst

    Menton, 'a vivaroalpenca maritima

  • © Laurenç Revèst

    A Gavotina marítima: O Castelar vielh, e faishe sota A Pena e vista de Sant Bernat de Castelar

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • X. Moral

    Manifestacion "Er aranés, era nòsta identitat". Vielha 24 de març 2018

  • Meravilhas aranesas. © Franc Bardòu

    Meravilhas aranesas

  • Costiera de Gavotina marítima : Tròces de vial d'a marina de Mónego a Caboalh. © RL

    Costiera de Gavotina marítima: Tròces de vial d'a marina de Mónego a Caboalh

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • Cafeteria Tuca. © Xavi Gutiérrez Riu

    Ivèrn en Aran

  • Eth cap de Vaquèira damb era Maladeta ath hons.  © Xavi Gutiérrez Riu

    Val d'Aran

  • © Asalaís Moniguet

    Montpelhièr la lengadociana

  • © Asalaís Moniguet

    Montpelhièr la lengadociana

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)